ხუციშვილი შსს-ს და სუს-ს შორის დაპირისპირებას კატეგორიულად უარყოფს

2017-03-17 13:41:28, 2415 ნახვა

სამართალი კომენტარი

შს მინისტრის მოადგილე შალვა ხუციშვილი უარყოფს ინფორმაციას, რომ ბათუმში განვითარებული მოვლენები ორ ძალოვან უწყებას-სუსსა და შსს-ს შორის დაპირისპირებას უკავშირდება.

ხუციშვილის მტკიცებით, სახელმწიფო უსაფრთხოებისა სამსახურსა და შინაგან საქმეთა სამინისტროს შორის ძალიან ეფექტური და კოორდინირებული ურთიერთობაა.

„ეს ეხება როგორც ადამიანურ ურთიერთობებს, ხელმძღვანელების დონეზე, ასევე უწყებათაშორის დონეზე. სისტემა მოქმედებს შეთანხმებულად. არ ვიცი, ვის რა საფუძელი აქვს ამის განცხადების. შემიძლია სრული პასუხისმგებლობით დაგიდასტუროთ, არანაირი მსგავსი ჩვენსა და სუს-ს შორის არ არსებობს“,-განაცხადა ხუციშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან