საქართველოს მთავრობამ სოფლის განვითარების სტრატეგია წარადგინა. სტრატეგია 2017-2020 წლებში სოფლის განვითარების საკვანძო საკითხებს განსაზღვრავს.   

ღონისძიება საქართველოს პრემიერ-მინისტრმა, გიორგი კვირიკაშვილმა გახსნა. პრემიერმა მადლობა გადაუხადა ევროკავშირს და გაეროს განვითარების პროგრამას სტრატეგიის მხარდაჭერისთვის და იმედი გამოთქვა, რომ სწორი მიდგომით შესაძლებელი გახდება არსებითად შეიცვალოს საქართველოში სოფლის მცხოვრებთა მდგომარეობა.

გიორგი კვირიკაშვილის განცხადებით, სოფლის განვითარების სტრატეგია წარმოადგენს საქართველოს სოფლის განვითარების ახალ ხედვას, რომელიც საუკეთესო ევროპულ პრაქტიკას ეყრდნობა.

დამსწრე საზოგადოებას სიტყვით მიმართეს ევროკავშირის ელჩმა საქართველოში, იანოშ ჰერმანმა და გაეროს მუდმივმა კოორდინატორმა და გაეროს განვითარების პროგრამის (UNDP) მუდმივმა წარმომადგენელმა საქართველოში, ნილს სკოტმა.

სოფლის განვითარების სტრატეგიისა და 2017 წლის სამოქმედო გეგმის შესახებ საქართველოს სოფლის მეურნეობის მინისტრმა, ლევან დავითაშვილმა ისაუბრა. 

„სოფლის განვითარების სტრატეგიის პრიორიტეტულ მიმართულებებად ეკონომიკა და კონკურენტუნარიანობა, სოციალური პირობები და ცხოვრების დონე, გარემოს დაცვა და ბუნებრივი რესურსების მდგრადი მართვა განისაზღვრა. ასევე განსაზღვრულია ის ამოცანები, რომელთა შესრულებითაც ჩვენ შევძლებთ სოფლად მცხოვრები მოსახლეობის ცხოვრების დონის გაუმჯობესებას და შევქმნით ახალ, თანამედროვე სოფელს. მოხდება სოფლად არსებული ეკონომიკური შესაძლებლობების დივერსიფიცირება, ღირებულებათა ჯაჭვის განვითარება. სოფლის განვითარების სტრატეგიის ფარგლებში განხორციელდება უმნიშვნელოვანესი პროექტები აგრარული, ტურისტული, ჯანდაცვის, განათლების, ბუნებრივი რესურსების მართვისა და სხვა მიმართულებებით“, - განაცხადა სოფლის მეურნეობის მინისტრმა.

ლევან დავითაშვილის განცხადებით, უმნიშვნელოვანესია სტრატეგიის განხორციელების პროცესში დაინტერესებულ მხარეთა, მათ შორის, მოსახლეობის, ადგილობრივი სამოქმედო ჯგუფების, კერძო სექტორის, არასამთავრობო ორგანიზაციების მაქსიმალური ჩართულობის უზრუნველყოფა ყველა განსახორციელებელი ღონისძიების დაგეგმვის პროცესში.

სოფლის განვითარების სტრატეგიის შემუშავება განხორციელდა  საქართველოს მთავრობის ინიციატივით, ევროკავშირის (EU) დახმარებით და გაეროს ორი სააგენტოს - გაეროს განვითარების პროგრამისა (UNDP) და გაეროს სურსათისა და სოფლის მეურნეობის ორგანიზაციის (FAO) მხარდაჭერით, სოფლისა და სოფლის მეურნეობის განვითარების ევროპის სამეზობლო  პროგრამის (ENPARD) ფარგლებში. საქართველოს მთავრობამ სტრატეგია 2016 წლის დეკემბერში დაამტკიცა.

სტრატეგიის დამტკიცების შემდეგ, ევროკავშირის დახმარებით (ENPARD-ის პროგრამის ფარგლებში) და გაეროს განვითარების პროგრამის (UNDP) ტექნიკური მხარდაჭერით, უწყებათაშორისი საკოორდინაციო საბჭო დაფუძნდა, რომელსაც სათავეში საქართველოს სოფლის მეურნეობის სამინისტრო ჩაუდგა. საბჭო კოორდინირებას გაუწევს როგორც სტრატეგიის განხორციელებას, ასევე კონკრეტულ ინიციატივებს საქართველოს რეგიონებში.  

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ