ნაძალადევის რაიონში, ისაკიანის ქუჩაზე კანალიზაციის მოწყობის სამუშაოები აქტიურად მიმდინარეობს.

მერიის ცნობით, პროექტი ნუშისა და ავშნის ქუჩების კანალიზაციის ქსელის ცენტრალურ სისტემაზე დაერთებას ითვალისწინებს. ისაკიანის ქუჩაზე 72 მეტრ სიგრძეზე მოეწყობა ახალი მილები და დამონტაჟდება 4 ჭა. სამუშაოებს ადგილზე გაეცნო ნაძალადევის რაიონის გამგებელი ირაკლი ხელაძე.

კანალიზაციის ახალი ქსელის მოსახლეობამდე მიყვანა უკვე დასრულდა ნუშის ქუჩაზე. სისტემა მოეწყო დაახლოებით 400 მეტრ სიგრძეზე. ხვალიდან დაერთების სამუშაოები გაგრძელდება ავშნის ქუჩაზე. სამუშაოების საკონტრაქტო ღირებულება 259 508 ლარია.

კანალიზაციის სისტემის მოწყობის დასრულების შემდეგ ნუშისა და ავშნის ქუჩებზე მთლიანად მოწესრიგდება საგზაო ინფრასტრუქტურა - მოეწყობა ბორდიურები, ტროტუარები და დაიგება ორი ფენა ასფალტის საფარი. პროექტი ნაძალადევის რაიონის გამგეობის დაკვეთით ხორციელდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს