ამ გარემოცვის პირობებში, პატრიარქი არ არის დამოუკიდებელი, - ამის შესახებ ჭყონდიდელმა მიტროპოლიტმა პეტრემ "იმედის" ეთერში ჩართვისას განაცხადა. 

მისი თქმით, მას აქვს არაერთი მაგალითი იმისა, თუ როგორ ხდება უწმინდესის პოზიციების ცვლილება, მას შემდეგ რაც გარემოცვის მხრიდან მიეწოდება დეზინფორმაცია. მისივე თქმით, დეზინფორმირებულობის სათავეში მდივან-რეფერანტი შორენა თეთრუაშვილი დგას. 

”მაშინ როდესაც ოპერაციაზე შესვლის წინ, პატრიარქს, მისი უახლოესი გარემოცვის წევრები ეუბნებიან, რომ შენი გარემოცვის ერთ-ერთი უახლოესი ადამიანი, შენი უსაყვარლესი სასულიერო პირი, დეკანოზი გიორგი მამალაძე მოდიოდა, რომელიც აეროპორტში დააკავეს, ის თითქოს თქვენს მოწამლვას აპირებდა და ამაში ჩართულია თქვენი კიდევ ერთი უახლოესი ადამიანი, რომელიც დაბარებულია პროკურატურაში, ამ გარემოცვის პირობებში, პატრიარქი არ არის დამოუკიდებელი. თუნდაც გავიხსენებ ადვოკატებთან შეხვედრას, უწმინდესი ამბობდა, ხომ არ სჯობს მამა გიორგი გამოვიდეს თავდებით, გამოძიება კი გაგრძელდეს. თუმცა მერე პატრიარქი დაარწმუნეს, რომ მამა გიორგის თავდებით გამოსვლა სასურველი არ იყო, რათა არ მომხდარიყო დეკანოზის ლიკვიდაცია. პატრიარქის დეზინფორმირებულობის სათავეში დგას ქალბატონი მდივან-რეფერანტი შორენა თეთრუაშვილი. შორენა შემთხვევით არ მოხვედრილა საპატრიარქოში, მის უკან გარკვეული ძალები დგას ”, - განაცხადა მეუფე პეტრემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს