საქართველოს საპატრიარქო არის ობიექტური პირის როლში, რომელიც აკვირდება ამ მოვლენებს, - ამის შესახებ საპატრიარქოს იურისტმა ედიშერ ქარჩავამ ტელეკომპანია „იმედის“ ეთერში განაცხადა.

მისი განცხადებით, შორენა თეთრუაშვილს არანაირი განცხადებით სისხლის სამართლებრივ დევნასთან დაკავშირებით არ მიუმართავს მთავარი პროკურატურისთვის, არამედ მთავარმა პროკურატურამ მასალებზე დაყრდნობით, დაადგინა მისი სამართლებრივი სტატუსი - დაზარალებული. მისივე თქმით, მას რჩება შთაბეჭდილება, რომ ადვოკატი გიორგი ფანცულაია არ არის ჩამოყალიბებული ვერსიებზე, თუ რეალურად რა არის, „ამიტომ იშველიებს გაუთქმელობის ხელწერილს, რაც მას არ ზღუდავს“.

„ვინაიდან ეს მტკიცებულებები უკვე გახდა საჯარო, გამოვიდა ხალხში, ამიტომ თვითონ ხალხმა უნდა შეაფასოს, თუ რამდენად არგუმენტირებულია დაცვის პოზიციები. რა თქმა უნდა, მამა გიორგი მამალაძის მდგომარეობა და სასულიერო პირის მიერ ასეთი გარემოებები, ჩვენთვის რა თქმა უნდა, გულსატკენია და ჩვენც ველოდებით, თუ რა იქნება საბოლოოდ, ობიექტურ ჭეშმარიტებას ვგულისხმობ.

თუ ქალბატონი შორენა იყო დაპირისპირებული მამა გიორგი მამალაძესთან, მაშინ მათ მიერ გაჟღერებული არგუმენტი, რომ 500 დოლარი უნდა გადაეცა და შემდეგ ენდო მას მამა გიორგი ციანიდის საყიდლად - ეს თავიდანვე უკვე აბსურდული გამოდის. ვინაიდან თუ ადამიანთან დაპირისპირება გაქვს და არ ენდობი, მაშინ ფულს რატომ იღებ რაღაც საწამლავის შესაძენად?“, - განაცხადა ქარჩავამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს