ადამიანის უფლებათა დამცველი საერთაშორისო არასამთავრობო ორგანიზაცია Human Rights Watch-ი საქართველოში არსებულ მედიაგარემოზე სპეციალურ განცხადებას აქვეყნებს.

როგორც განცხადებაშია ნათქვამი, "რუსთავი 2-ის" გარშემო მიმდინარე პროცესებმა მთავრობის მიერ მედიასა და სასამართლო სისტემაში ჩარევის შესახებ ეჭვი წარმოშვა.

ორგანიზაციის კავკასიის ბიუროს ხელმძღვანელის გიორგი გოგიას თქმით, ქვეყანაში მედიას საფრთხე ემუქრება. 

"უზენაესი სასამართლოს გადაწყვეტილება ცხადყოფს, რომ საქართველოში მედიის თავისუფლებას საფრთხე ექმნება. ჩევნ მოვუწოდებთ ხელისუფლებას, რომ უზრუნველყოს მედიის მრავალფეროვნება",-განაცხადა გიორგი გოგიამ.

შეგახსენებთ, რომ უზენაესმა სასამართლომ 2 მარტს ტელეკომპანია "რუსთავი 2" ბიზნესმენ ქიბარ ხალვაშს მიაკუთვნა. სასამართლოს გადაწყვეტილების აღსრულების შეჩერების მოთხოვნით, „რუსთავი 2“-მა ევროპის ადამიანის უფლებათა დაცვის სასამართლოს მიმართა. 3 მარტს, რუსთავი 2-ის გენერალურმა დირექტორმა ნიკა გვარამიამ განაცხადა, რომ სტრასბურგის სასამართლომ ტელეკომპანიის საქმესთან დაკავშირებით საქართველოს უზენაესი სასამართლოს გადაწყვეტილების აღსრულება 8 მარტამდე შეაჩერა. მოგვიანებით, სტრასბურგის სასამართლოდან მიღებულ კორესპონდენციას იუსტიციის მინისტრი თეა წულუკიანი სპეციალურად გამართულ ბრიფინგზე გამოეხმაურა და აღნიშნა, რომ მთავრობა ამ საქმეს პროცედურის დაცვით წარმართავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს