ეკა ბესელია: უცხოელებზე მიწების გასხვისებასთან დაკავშირებით კანონი გადახედვას საჭიროებს

2017-02-28 12:04:54, 2373 ნახვა

პოლიტიკა კომენტარი

იურიდიულ საკითხთა კომიტეტის თავმჯდომარის ეკა ბესელიას განცხადებით, უცხოელებზე მიწების გასხვისებასთან დაკავშირებით კანონი გადახედვას საჭიროებს.

ბესელიას თქმით, მმართველ გუნდს აღნიშნულ საკითხზე შიდა დისკუსიები უკვე დაწყებული აქვს.

„აუცილებლად მოგვიწევს არსებული მოდელის გადახედვა. იმიტომ რომ ეს საკითხი უსაფრთხოების თემას უკავშირდება. საქართველო არ არის დიდმიწიანი ქვეყანა ჩვენ მცირემიწიანი ქვეყანა ვართ და ჩვენ გვჭირდება ისეთი რეგულაციების შემოღება, რომელიც ეროვნულ სახელმწიფოებრივ ინტერესებს შეესაბამება. საბოოლოდ ჩვენ ამ საკითხზეც შევჯერდებით იმიტომ რომ შიდა დისკუსია უკვე დაწყებული გვაქვს, შესაბამისად გადაწყვეტილების მიღება მოგვიწევს“,-განაცხადა ბესელიამ.

ცნობისთვის, უცხო ქვეყნის მოქალაქეებზე მიწების გასხვისების შეზღუდვის ინიციატივით არასაპარლამენტო ოპოზიცია და „პატრიოტთა ალიანსი“ გამოვიდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან