დავით ნარმანია: ვერ ეღირსებიან, ოთხშაბათსაც არ მივალ საკრებულოში

2017-02-25 13:06:11, 2441 ნახვა

პოლიტიკა კომენტარი

„პოლიტიკური შოუსთვის არ მცალია, ქალაქში უამრავი საქმე გვაქვს გასაკეთებელი“, - ასე უპასუხა თბილისის მერმა დავით ნარმანიამ საკრებულოს ოპოზიციის წარმომადგენლებს, რომლებიც ოთხშაბათს მერის საკრებულოში მისვლას ითხოვენ.

ნარმანიას განცხადებით, ამ ეტაპზე, საკრებულოში მისი მისვლის არანაირი საფუძველი არ არსებობს.

“პოლიტიკური შოუ გუშინ არ შედგა. ჩვენმა უმრავლესობამ ღირსეულად უპასუხა მათ მიერ წამოწყებულ იმ ცალკეულ ცინიკურ საკითხებს, რაზეც ჩვენ ღირსეული პასუხი გვაქვს. ქმედებები, რაც ჩვენი მხრიდან განხორციელდა თავის დროზე იყო კანონიერი ყველა წესისა და პროცედურის დაცვით. სწორედ ამიტომ, ამ ყველაფრის გაგრძელებას ცდილობენ, რომ ჩემი ძალით მისვლა მოხდეს საკრებულოში. თუმცა, ხაზგასმით მინდა აღვნიშნო, რომ ვერ ეღირსებიან. მე ოთხშაბათსაც არ მივალ საკრებულოში რადგან ამ შოუს არ უნდა მოჰყვეს გაგრძელება”, - განაცხადა დედაქალაქის მერმა.

ცნობისთვის, თბილისის საკრებულოს ოპოზიცია სხდომაზე დავით ნარმანიას მისვლასა და მოსამართლე ნატა ნაზღაიძის ოჯახისთვის მილიონიანი ქონების გადაცემის საკითხზე მათთვის ახსნა-განმარტების მიცემას ითხოვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან