"საქართველო და ზოგადად შავი ზღვის რეგიონი ნატოსთვის პრიორიტეტული საკითხია", - ამის შესახებ ნატოს გენერალურმა მდივანმა იენს სტოლტენბერგმა ბრიუსელის შემდეგ მიუნხენში უსაფრთხოების კონფერენციის დაწყებამდე განაცხადა.

იენს სტოლტენბერგმა კიდევ ერთხელ განმარტა, რომ ბრიუსელში საქართველოს თავდაცვის მინისტრთან ერთად გადაწყდა, რომ თანამშრომლობა გაძლიერდება და შავი ზღვის რეგიონში ნატოს წარმომადგენლობა  გაიზრდება.

"საქართველოსადმი ჩვენი მხარდაჭერა გავაძლიერეთ. შავი ზღვის რეგიონში ჩვენი ყოფნის მასშტაბის გაფართოება ბრიუსელში, თავდაცვის მინისტრების შეხვედრაზე ცოტა ხნის წინ გადაწყდა. ამაში იგულიხსმება სახმელეთო, საავიაციო და საზღვაო ელემენტები. ის, რასაც შავი ზღვის რეგიონში ვაკეთებთ, ზომიერი და თავდაცვითი ხასიათის ქმედებებია. ჩვენ არ გვსურს კონფლიქტის პროვოცირება. "-განაცხადა სტოლტენბერგმა. 

შეგახსენებთ, რომ საქართველოს თავდაცვის მინისტრის და ნატოს გენერალურ მდივნის შეხვედრა ბრიუსელში 16 თებერვალს ნატოს მინისტერიალის ფარგლებში შეხვდა. ნატოს არაწევრ ქვეყნებს შორის საქართველო ერთადერთი ქვეყანა იყო მინისტერიალის ფარგლებში, რომელთანაც ნატო-საქართველოს კომისიის სხდომა გაიმართა. იენს სტოლტენბერგმა კიდევ ერთხელ დაადასტურა ნატოს მტკიცე მხარდაჭერა საქართველოს სუვერენიტეტისა და ტერიტორიული მთლიანიობის მიმართ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება