გამოძიების დასრულებამდე გაკეთებული ნებისმიერი განცხადება გამოძიებისთვის დამაზიანებელია, - ამის შესახებ საქართველოს პარლამენტის თავმჯდომარემ ირაკლი კობახიძემ დეკანოზ გიორგი მამალაძის საქმესთან დაკავშირებით დასმული კითხვის პასუხად განაცხადა. 

როგორც კობახიძემ აღნიშნა, ის "ასეთი ტიპის" განცხადებების გაკეთებისგან თავს იკავებს.

„ჩვენ აუცილებლად უნდა დაველოდოთ გამოძიების დასრულებას. ნებისმიერი განცხადება, რომელიც კეთდება გამოძიების საბოლოოდ დასრულებამდე, არის დამაზიანებელი თავად გამოძიებისათვის. მე პირადად თავს შევიკავებ ასეთი ტიპის განცხადებების გაკეთებისგან. მთავარია, ჩვენ არ ვიჩქაროთ, დაველოდოთ გამოძიებას. გამოძიებამ უნდა გასცეს საბოლოო პასუხი ყველა იმ კითხვას, რომელიც გვაქვს ჩვენ ამ საქმესთან დაკავშირებით. ეს არის უმნიშვნელოვანესი საქმე, საუბარია ძალიან მძიმე დანაშაულზე. ჩვენ უნდა დაველოდოთ გამოძიებას და გამოძიების მიერ გაცემულ პასუხებს“, - აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა