პროკურორ ნინო აღლემაშვილის განცხადებით, მაღალი საზოგადოებრივი ინტერესის გათვალისწინებით, თავად მოსამართლეთა თანხმობით, საქართველოს მთავარი პროკურატურა ასაჯაროებს უზენაესი სასამართლოდან შემოსულ მასალას, რომელიც გახდა გამოძიების დაწყების საფუძველი, მათ შორის მოსამართლეებისთვის გაგზავნილ მიმართვებს და მოკლე ტექსტურ შეტყობინებებს.

აღნიშნული მასალა განთავსებულია უწყების ოფიციალურ ვებგვერდზე: http://pog.gov.ge/geo/news?info_id=1130

მისივე თქმით, მოსამართლეების საქმიანობაში უხეში ჩარევის შესაძლო ფაქტთან დაკავშირებით საქართველოს პროკურატურაში მიმდინარე გამოძიების ფარგლებში, საქმეზე სწრაფად და ეფექტურად ჩატარდება ყველა აუცილებელი საგამოძიებო მოქმედება დაგამოძიების შედეგების შესახებ დამატებით ეცნობება საზოგადოებას.

„გამოძიება დაინტერესდა აღნიშნული სატელეფონო ნომრების მფლობელებით, თუმცა ამ ეტაპზე გარკვეულია მხოლოდ ის გარემოება, რომ ეს სატელეფონო ნომრმები რეგისტრირებულია უკრაინაში.

აღნიშნული წერილების ავტორების დადგენის მიზნით ტარდება საგამოძიებო მოქმედბებეი.მას შემდეგ, რაც დადგინდება წერილობითი მიმართვების, ასევე მოკლე ტექსტური სატელეფონო შეტყობინებების ავტორები, საჯაროდ გავავრცელეთ ინფორმაციას.როცა გახდება გარკვეული პირის დაკითხვის საჭიროება დღის წესრიგში და ჩავთლით საჭიროდ, რომ  ამ ინფორმაციის გავრცელება საჯაროდ არის სწორი, მიმდინარე საგამოძიებო ინტერესიდან გამომდინარე, ამ ინფრომაციას გავავარცელებთ.

გამოძიების პროცესი არის ძალიან დინამიური, ყოველდღიურად შეიძლება ახალ ახალი ვითარება შეიქმნას და დღის წესრიგში დადგეს ახალი საჭიროებები“,-განაცხადა ნინო აღლემაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება