"ბავშვთა სამყაროში" გაჩენილი ხანძრის შედეგად დაზარალებულ ქვედა ბაზრობის მოვაჭრეებს თბილისის მერიამ ზარალის ანაზღაურებაზე უარი უთხრა, თუმცა ალტერნატიული ფართების გამოყოფას, საბანკო სესხების გადავადებასა და საგადასახადო შეღავათების დაწესებას დაპირდა.

დაზარალებულმა მოვაჭრეებმა დღეს მერიასთან აქცია გამართეს. მოვაჭრეების 3 წარმომადგენელი თბილისის მერის მოადგილეს ირაკლი ლექვინაძეს შეხვდა და აქციის მონაწილეების მოთხოვნები გააცნო.  

"ექსპრესნიუსის" კორესპონდენტის ინფორმაციით, ისინი ზარალის ანაზღაურებასა და ალტერნატიული ფართების გამოყოფას ითხოვდნენ.

როგორც შეხვედრის დასრულების შემდეგ, მოვაჭრეებმა განაცხადეს, მათ ალტერნატიული ფართები არ სჭირდებათ, ვინაიდან საქონლის შესაძენად შესაბამისი რაოდენობის თანხა არ აქვთ. 

ცნობისთვის, დაზარალებულმა მოვაჭრეებმა დედაქალაქის მერიასთან აქცია შეწყვიტეს. ისინი საპროტესტო აქციის განახლებას ხვალ ბიძინა ივანიშვილის სახლთან გეგმავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინის მეორე იახტამ რუსეთი დატოვა და თურქეთისკენ მიემართება

რუსეთში ბენზინის ფასმა პირველად გადააჭარბა 100 რუბლს ლიტრზე

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო