საპარლამენტო ფრაქცია „ევროპული საქართველოს“ თავმჯდომარის, სერგო რატიანის განცხადებით, „გაზპრომის“ ხელშეკრულებაში ჩადებული პირობები ბუნდოვანია.

რატიანი მიიჩნევს, რომ აღნიშნულ საკითხზე ნდობის ჯგუფი უნდა შეიქმნას.

,,ვერავინ არკვევს ვინ გააფორმა ,,გაზპრომთან’’ ხელშეკრულება და რა არის მასში ჩადებული. სწორედ ამიტომ უნდა შეიქმნას ნდობის ჯგუფი, რომელიც ნახავს ვინ გააფორმა აღნიშნული ხელშეკრულება და გაირკვევა რამხელა ზიანი მიადგა ქვეყანას.  ვიცით, რომ ჩვენი ქვეყანა სერიოზულად დაზარალდა, მაგრამ რა მასშტაბით არავინ იცის. საპარლამენტო ნდობის ჯგუფის შექმნის შემდეგ გვექნება საშუალება ვნახოთ რა ხდება ამ მიმართულებით“, - აცხადებს რატიანი.

დეპუტატი გაზპრომის თემაზე გია ჟორჟოლიანის კომენტრასაც გამოეხმაურა, რომელიც ამბობ, რომ საპარლამენტო უმცირესობას არ ენდობა და შესაბამისად არც ნდობის ჯგუფის ჩამოყალიბებას უჭერს მხარს.

,,პარლამენტის წევრებს ნდობის მანდატს მოსახლეობა აძლევს და არა გია ჟორჟოლიანი ან უმრავლესობის სხვა რომელიმე წევრი, შესაბამისად, პარლამენტის ვალდებულებაა ხელისუფლების ნებისმიერ მოქმედებას და გადაწყვეტილებას ზედამხედველობა გაუწიოს“, - განაცხადა სერგო რატიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა