ადვოკატ ლევან სამუშიას განცხადებით, სააპელაციო სასამართლომ ბოლომდე ვერ გაუძლო ზეწოლას და ე.წ. კაბელების საქმეზე გამამართლებელი განაჩენი არ გამოიტანა.

სამუშიას თქმით, დღევანდელი შედეგი მათთვის დამაკმაყოფილებელი არ არის, თუმცა მისივე განმარტებით, განაჩენს უზენაეს სასამართლოში გაასაჩივრებენ.

ადვოკატი დარწმუნებულია, რომ ე.წ. კაბელების საქმეზე საბოლოოდ გამამართლებელი განაჩენი დადგება.

„ერთი დადასტურდა დღეს, რომ გაფლანგვა არ ყოფილა. სასამართლოს გადაწყვეტილებით ჩვენი დაცვის ქვეშ მყოფები კიდევ ორი თვე იქნებიან ტყვეობაში. ბოლომდე ვიბრძოლებთ. ეს შედეგი არ არის დამაკმაყოფილებელი ჩვენთვის და დარწმუნებული იყავით, რომ საქმეზე საბოლოოდ დადგება გამამართლებელი განაჩენი. საბოლოოდ იზეიმებს სამართალი. შემდეგი ეტაპი არის უზენაესი სასამართლო. თუ იქ ვერ ვიპოვეთ სამართალი, მივმართავ ევროპის სასამართლოს და იქ ამ საქმეზე ის განაჩენი დადგება, რასაც სამართლიანობა მოითხოვს“, - განაცხადა ლევან სამუშიამ.

ცნობისთვის, სააპელაციო სასამართლომ ე.წ. კაბელების საქმეზე თბილისის საქალაქო სასამართლოს გადაწყვეტილება შეცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა