„პირდაპირ შეიძლება ითქვას, რომ  ეს არის  ცილისწამება. მან ან წარმოადგინოს ამის დამადასტურებელი საბუთი ან დაასახელოს ინფორმაციის წყარო“, - ასე გამოეხმაურა სახალხო დამცველი უჩა ნანუაშვილი იუსტიციის მინისტრის თეა წულუკიანის განცხადებას, რომლის თანახმადაც, „ბევრმა ადამიანმა, მათ შორის ომბუდსმენმა იმუშავა იმისთვის, რომ სტრასბურგში წარდგენილი მოსამართლეობის კანდიდატების სია საქართველოს დაბრუნებოდა.

„პირველ რიგში უნდა აღვნიშნო ის, რომ მისი ეს ინფორმაცია არის არასწორი. პირდაპირ შეიძლება ითქვას, რომ ეს არის  ცილისწამება. ან მან წარმოადგინოს ამის დამადასტურებელი საბუთი ან დაასახელოს ინფორმაციის წყარო,  რომ თითქოს მე ჩავაგდე კონკრეტული სია და ასევე ქვეყნებს მოვუწოდებდი ამ სიის წინააღმდეგ“,-აღნიშნა ნანუშვილმა.

როგორც ომბუდსმენმა აღნიშნა, მან არაერთხელ ისაუბრა იმ ხარვეზებზე, რომელიც ამ საკითხთან მიმართებაში არსებობდა. 

„საუბარია სწორედ მოსამართლეების შერჩევის პროცესში, მათ შორის ჩვენთვის იყო გაუგებარი თუ რატომ მოხდა ერთი კანდიდატურის ჩანაცვლება მეორეთი, როცა უფრო მაღალი შეფასების მქონე კანდიდატი არ შეფასდა და მის ნაცვლად იქნა წარდგენილი სხვა კანდიდატი. კითხვის ნიშნები არა ერთხელ დაისვა, თუმცა პასუხი ამ საკითხთან დაკავშირებით ვერ მივიღეთ. ზოგადად ის, რომ სახალხო დამცველი არაერთ შეხვედრას მართავს მათ შორის სტრასბურგში და ევროსაბჭოს  წარმომადგენლებთან სადაც რა თქმა უნდა არის საუბარი ძალიან ბევრ საკითხზე, ჩვენ რაიმე განსაკუთრებული ამ შეხვედრებზე არ გვისაუბრია, რაზეც საჯაროდ ღიად არ ვსაუბრობთ. ეს შეფასება ჩემთვის შეურაცხმყოფელი და გაუგებარია“, - დასძინა ნანუაშვილმა.

ცნობისთვის, იუსტიციის მინისტრი თეა წულუკიანი სტრასბურგის მოსამართლეობის კანდიდატების სიის საქართველოსთვის უკან დაბრუნების საკითხს გამოეხმაურა.

როგორც მან ჟურნალისტებს განუცხადა, ძალიან ბევრმა საქართველოს მოქალაქემ და ოფიციალურმა პირმა იმუშავა სწორედ იმისათვის, რომ მოსამართლეობის კანდიდატების ეს სია ქვეყანას უკან დაბრუნებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა