"ნაციონალური მოძრაობის" პოლიტიკური საბჭოს თავმჯდომარის, ნიკა მელიას განცხადებით, ვანო მერაბიშვილი პარტიის გენერალური მდივნის თანამდებობაზე არ დარჩება.

ამის შესახებ ნიკა მელიამ ჟურნალისტებს ე.წ. მატროსოვის ციხიდან გამოსვლის შემდეგ განუცხადა.

ამასთან, ნიკა მელია მიზეზებზე არ საუბრობს.

"ვანო მერაბიშვილის პოზიციაა, რომ არ დარჩეს “ნაციონალური მოძრაობის“ გენერალური მდივნის თანამდებობაზე. ამაზე მეტს ვერ გეტყვით. მას შემდეგ, რაც გაიმართება სტრასბურგში სასამართლო პროცესი, რომელიც მარტის თვეშია ჩანიშნული და იქნება სასამართლოს გადაწყვეტილება ცნობილი, ამის შემდეგ მერაბიშვილი თავად გააკეთებს პოლიტიკურ განცხადებას. ამ ეტაპზე, იგი თავს იკავებს პოლიტიკური განცხადებებისგან", - აღნიშნა მელიამ.

რაც შეეხება პარტიაში დარჩენის ან პარტიიდან გასვლის საკითხს, მელიას ინფორმაციით, ამის შესახებ პოლიტიკურ განცხადებას თავად ვანო მერაბიშვილი გააკეთებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა