საპროცედური საკითხთა კომიტეტმა ფრაქცია "ნაციონალური მოძრაობის"  რეგისტრაციას მხარი დაუჭირა. 

პროცედურის თანახმად, კომიტეტი დღეს მიმართავს ბიუროს და სობოლოო გადაწყვეტილებას ამ საკითხზე სწორედ ბიურო მიიღებს. 

 „კომიტეტმა მიიღო გადაწყვეტილება და მიზანშეწონილად მიიჩნია ფრაქცია "ნაციონალური მოძრაობის" რეგისტრაცია, ჩვენ შესაბამისი დასკვნით მივმართავთ ბიუროს და ის მიიღებს საბოლოო გადაწყვეტილებას",-აღნიშნა კახიანმა და დასძინა, რომ გარკვეული კითხვები გაჩნდა იმასთან დაკავშირებით, თუ რამდენად ლეგიტიმური იყო ახალი ფრაქციის შექმნა:

" თუმცა საბოლოო ჯამში კომიტეტმა ახალი ფრაქციის შექმნას მხარი დაუჭირა. 
ჩემი მოსაზრება იყო, რომ ფრაქციის შექმნა უმცირესობის ფარგლებში და დღეს უკვე ახალი ფრაქციის შექმნა არალოგიკური იყო. უფრო ლოგიკური იქნებოდა, რომ ამ ფრაქციას, რომელიც არსებობდა "ნაციონალური მოძრაობის" სახით, სახელი კი არ გადარქმოდა,ან ახალი თავმჯდომარე კი არ აერჩიათ, არამედ იმ წევრებს,რომლებმაც "ნაციონალური  მოძრაობა" დატოვეს, დაეტოვებინათ ეს ფრაქციაც,რადგან ეს  ფრაქცია სამართლებრივად იყო ნაციონალური მოძრაობის. მოხდა ისე, რომ ამ ფრაქციაში უმრავლესობაში აღმოჩნდა ის ჯგუფი, რომელბმაც ნაციონალური მოძრაობა დატოვეს და იმავდროულად, ახალი ფრაქციის 
შექმნის შესაძლებლობა ვერ მიეცემოდა ნაციონალურ მოძრაობას. იმ შემთვევაში,თუ ის პირები,ვინც გაემიჯნენ პარტიას, პარტიულად დარჩებოდნენ ნაციონალური მოძრაობის წევრებად, მათ კი განაცხადეს, რომ წევრები აღარ არიან, მაგრამ რაიმე სამართლებრივი დოკუმენატაცია პარტიის დატოვების შესახებ პარლამენტში არ წარმოუდგენიათ. დღევანდელ სხდომაზე კი ნაციონალურმა მოძრაობამ წარმოადგინა შესაბამისი დოკუმენტაცია, რომლის მიხედვითაც, პარლამენტის წევრებს, რომლებიც ადრე ამ პარტიის წევრები იყვნენ და გაემიჯნენ ამ პარტიას, შეუწყდათ ნაციონალური მოძრაობის პარტიის წევრობა. აქედან გამომდინარე, კომიტეტმა გადაწყვიტა, რომ ფრაქციის რეგისტრაციის საფუძველი  ლეგიტიმურია",-განმარტა გიორგი კახიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა