კონსტიტუციონალისტის ვახუშტი მენაბდის განცხადებით, მმართველი უმრავლესობა არგუმენტების მოყვანას და არაეფექტურობის ოპოზიციაზე მიწერას ვერ შეძლებს.

როგორც მენაბდემ ჟურნალისტებთან საუბარში აღნიშნა, ახალი საკონსტიტუციო კომისია უფრო ეფექტურად იმუშავებს.

”დღეს ჩვენ არსებითად განსხვავებული ვითარება გვაქვს. მმართველი უმრავლესობა ვერ შეძლებს არგუმენტები მოიყვანოს და არაეფექტურობა ოპოზიციას მიაწეროს, ამდენად, ვფიქრობ, იმ განსხვავებული ვითარების გათვალისწინებით მაღალი შანსია, რომ საკონსტიტუციო კომისიამ ეფექტურად იმუშაოს”, - განაცხადა მენაბდემ.

მისივე ინფორმაციით, ინიციატივები, შეეხება სახალხო დამცველის ინსტიტუტის კონსტიტუციურად გაძლიერებას, ასევე სასამართლო ხელისუფლების დამოუკიდებლობის გარანტიების გაზრდას.

”ჩემი ინიციატივები შეეხება სახალხო დამცველის შესახებ კანონში შესაბამისი საკონსტიტუციო ცვლილებების შეტანას იმდაგვარად, რომ სახალხო დამცველის დამოუკიდებლობის გარანტიები გაიზარდოს ერთი მხრივ, ხოლო მეორე მხრივ, მისი არჩევისთვის უზრუნველყოფილი იყოს არა მხოლოდ უმრავლესობის, არამედ მის გარეთ დარჩენილი დეპუტატების მხარდაჭერა. ეს ხელს შეუწყობს კონსენსუსზე დაფუძნებული გადაწყვეტილების მიღებას. რაც შეეხება სასამართლოს ნაწილს, აქ ვფიქრობთ, დავაყენებთ ისეთ საკითხებს, როგორიცაა მოსამართლეთა ინდივიდუალური დამოუკიდებლობის გაზრდა, უზენაესი სასამართლოსა და ზოგადად სასამართლოს მიერ მიღებულ საბოლოო გადაწყვეტილებებზე საკონსტიტუციო სასამართლოსთვის უფლებამოსილების მინიჭება, რათა იმსჯელოს ამ გადაწყვეტილებების კონსტიტუციურობაზე. ასევე ვიმსჯელებთ მოსამართლეთა უვადო დანიშვნის შესახებ, რაც გაზრდის სასამართლო ხელისუფლების დამოუკიდებლობის გარანტიებს”, - განაცხადა კონსტიტუციონალისტმა.

ცნობისთვის, პარლამენტში საკონსტიტუციო კომისიის პირველი სამუშაო ჯგუფის სხდომა მიმდინარეობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა