შინაგან საქმეთა მინისტრის მოადგილე შალვა ხუციშვილი პანკისის ხეობაში კულტურის სახლის დაწვის ფაქტს გამოეხმაურა. 

როგორც მან ჟურნალისტებს თემის კომენტირებისას განუცხადა, მომხდართან დაკავშირებით მიმდინარეობს გამოძიება და წინასწარი შეფასების გაკეთება გაუჭირდება. ამასთან, ხუციშვილის განმარტებით, თანამშრომლებს მიცემული აქვთ შესაბამისი ინსტრუქციები, რომ მეტი ყურადღებით იყვნენ ორიენტირებული პრევენცციაზე და მართლწესრიგის დაცვაზე:

„რაიმე ძალიან დეტალურის თქმისგან თავს შევიკავებ. რამდენადაც ჩემთვის ცნობილია, გამოძიება დაწყებულია. საზოგადოებრივი ინტერესი მაღალია და ამის შესახებ კონკრეტულად უკვე საგამოძიებო მოქმედებების შედეგად გახდება ცნობილი. წინასწარი შეფასება გამიჭირდება, თუმცა ჩვენს თანამშრომლებს, ჩვენ გვაქვს მოგეხსენებათ ცალკე განყოფილება იქ,  აქვთ შესაბამისი ინსტრუქციები, რომ მაქსიმალურად უფრო მეტი  ყურადღებით იყვნენ ორიენტირებული პრევენცციაზე და მართლწესრიგის დაცვაზე“,-განაცხადა შალვა ხუციშვილმა.
​
არსებული ინფორმაციით, პანკისის ხეობის სოფელ დუისის კულტურის სახლს, სადაც არასამთავრობო ორგანიზაცია კახეთის რეგიონული განვითარების ფონდის საზოგადოებრივი ცენტრი ფუნქციონირებს, ცეცხლი წაუკიდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებო: ორ სხვადასხვა კორუფციულ საქმეზე ორი პირი დავაკავეთ

კობახიძე კვლავ ცდილობს ცენზურის სამმართველოს მუშაობა გაამართლოს

კობახიძე - ბატონი ფიშერი იყო ერთადერთი ელჩი, რომელმაც არათუ არაფერი გააკეთა ამ ურთიერთობების განვითარებისთვის, არამედ ყველაფერი გააკეთა იმისათვის, რომ დაზიანებულიყო ურთიერთობები

ფიშერი - ჩვენი უფლებამოსილების ვადა საქართველოში დასრულდა - მადლობა, ბედნიერად და Auf Wiedersehen