თბილისის მერი დავით ნარმანია ნინო სურგულაძის საქველმოქმედო ფონდ "ნატვრის ხის" მიერ გამართულ საახალწლო გალა კონცერტს დაესწრო. საქველმოქმედო კონცერტში მონაწილეობა როგორც ქართველმა შემსრულებლებმა, ასევე, უცხოელმა სტუმრებმა, მსოფლიოში განთქმულმა საოპერო მომღერლებმა და სახელგანთქმულმა ანსამბლებმა  მიიღეს, რომლებიც თბილისში სპეციალურად ქართველი ბავშვების დასახმარებლად ჩამოვიდნენ.

თბილისის მერის თქმით, ფონდი „ნატვრის ხე“ უკვე მესამე წელია მძიმედ დაავადებული ბავშვების მკურნალობას აფინანსებს და ამ დროის განმავლობაში ფონდმა არაერთი სიცოცხლის გადარჩენა შეძლო.

„თბილისის მერია „ნატვრის ხის“ დაარსებიდან დღემდე მხარს უჭერს ამ მასშტაბურ საქველმოქმედო ინიციატივას და მომავალშიც ასე იქნება. ქველმოქმედება გახლავთ ის, რაც თითოეულ ჩვენგანს მორალურ ვალდებულებად მიგვაჩნია და სწორედ ამიტომ, ფონდის საქმიანობის ირგვლივ, მსოფლიოს მასშტაბით, ათასობით ადამიანი ერთიანდება. მიზანი დიდია - დავეხმაროთ იმ ბავშვებს, რომელთაც ჩვენი გვერდში დგომა ყველაზე მეტად სჭირდებათ.  

ამასთან, მე, როგორც თბილისის მერი, მოხარული ვარ, რომ კონცერტის ფარგლებში ჩამოსული უცხოელი სტუმრები გაეცნობიან ჩვენს დედაქალაქს, დაათვალიერებენ მის უძველეს ღირსშესანიშნაობებს, გაეცნობიან ჩვენს კულტურასა და ტურისტულ პოტენციალს,“ - განაცხადა დავით ნარმანიამ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს