„მინდა შეშფოთებით გამოვეხმაურო იმ პროცესებს რაც ხდება მედია სივრცეში უკანასაკნელი დღეების განმავლობაში და მოგიწოდოთ, რომ შეხედოთ მთლიან სურათს რაც ხდება უკვე ოთხი წელია“,-ასე გამოეხმაურა „ნაციონალური  მოძრაობის“ წევრი ელენე ხოშტარია პარლამენტის რიგგარეშე სხდომაზე ტელეკომპანია „იმედის“ მიერ „მაესტროსა“ და GDS-ის ყიდვის საკითხს. 

როგორც დეპუტატმა აღნიშნა, ოთხი წლის განმავლობაში მედია სივრცის ნაბიჯნაბიჯ გადაკეთება ხდებოდა. 

„ჩვენ ნელნელა და თითქოს შეუმჩნევლად გავხდით იმის მოწმე, როგორ იხურებოდა თოქ-შოუები, როგორ უშვებდნენ ძალიან ავტორიტეტულ ჟურნალისტებს ერთი ტელეარხიდან, მეორე ტელეარხიდან. ხდებოდა ოთხი წლის  მედია სივრცის ნაბიჯნაბიჯ გადაკეთება და თქვენს ძალაზე მორგება ხდებოდა. ეს ხდებოდა იმ პროცესის პარალელურად, როდესაც თქვენი მთელი სახელწმიფო მანქანა მიმართეთ რუსთავი 2-ის წინააღმდეგ და დღესაც აგრძელებთ ამ პროცესს. გუშინ მიხვედით  კულმინაციამდე, რომ ე.წ. გარიგება „იმედი“ ყიდულობს „მაესტროს“ და GDS-ს, იქმნება ერთი კალათა, რასაც ძაან მარტივად ჰქვია “იმედის“ მიერ არა რაღაცის ყიდვა, არამედ ბიძინა ივანიშვილის მიერ მედია კომფორტის შექმნა. 
ეს მედია კომფორტი თქვენ გჭირდებათ იმისთვის, რომ იმ პრობლემებზე რაც არსებობს, იქნება ეს ლარის კურსი და ა. შ. რომელიც აქ დახშული გაქვთ და მთავრობა როცა მოდის კითხვევს კი არ უსვამთ ტაშს უკრავთ მხოლოდ. ასეთი რეალობა გინდათ შექმნათ გარეთ სივრცეში“,-განაცხადა ელენე ხოშტარიამ. 
 
ხოშტარიამ უმრავლესობის  წარმომადგენლებს მიმართა და აღნიშნა, რომ მათი სურვილია სრული ძალების კონსოლიდაცია მოახდინონ. 

„საკონსტიტუციო ცვლილებებთან ერთად, ფაქტიურად დაანონსებული გაქვთ პრეზიდენტის არჩევითობის გაუქმება.  გინდათ სრული ძალის კონსოლიდაცია მოახდინოთ ბიძინა ივანიშვილის ქვეშ. გგონიათ, რომ უკანონო არასამართლიანი წესებით  შეინარჩუნებთ ძალაუფლებას. 
ძალიან კარგად მესმის, რომ თქვენ აქ მობრძანდით ბიძინა ივანიშვილის დამსახურებით. მე ამას ყოველ ჯერზე ვხედავ გულისტკივილით როგორ ასრულებთ ივანიშვილის დავალებას  და ემსახურებით ამ ერთ ადამიანს. მაგრამ ერთი ადამიანი როგორ არ ჩნდება თქვეში, რომელსაც კითხვა უჩნდება რატომ იქმნება ამხელა მედია ჰოლდინგი? რატომ იქმნება ამხელა კალათა, რომელიც გააჟღერებს მერე ერთი და იგივეს.
 თქვენ არცერთმა არ იცით მედიასთან  ასეთი მოპყრობა როგორ სრულდება?!  ამიტომ მოგიწოდებთ, რომ კიდევ ერთხელ პასუხისმგებლობით მოეკიდოთ იმას, რომ  თქვენ მანდატი გაქვთ საზოგადოების მხრიდან და არა ბიძინა ივანიშვილის მხრიდან. ასეთ ფუნდამეტურ საკითხებზე ამოიღეთ ხმა და რეალური კითხვები დასვით“, - დასძინა ხოშტარიამ.

შეგახსენებთ, რომ „მაესტრო“ მედიაჰოლდინგ "იმედის" საკუთრებაში ოფიციალურად 2017 წლის იანვრიდან შევა, ტელეკომპანია GDS-ის ნაწილის შეძენასთან დაკავშირებით კი, მოლაპარაკებები დასასრულს უახლოვდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა