საკონსტიტუციო კომისიის თავმჯდომარის, პარლამენტის სპიკერის ირაკლი კობახიძის განცხადებით, ყველა ძირითად არასამთავრობო ორგანიზაციასთან, ასევე ექსპერტებთან აქტიური კონსულტაციები ჰქონდათ. შესაბამისად, კობახიძის თქმით, საკონსტიტუციო კომისიის შემადგენლობის შერჩევის პროცესი გამჭვირვალე იყო:

„ჩვენ გვქონდა კონსულტაციები ყველა ძირითადად არასამთავრობო ორგანიზაციასთან, ყველა იმ ორგანიზაციასთან, რომელიც ჩართულია კომისიის მუშაობაში, ასევე ყველა ექსპერტთან , რომელიც ჩართულია კომისიის მუშაობაში. გვქონდა რამდენიმე დღე იმისათვის, რომ შესაბამისი აქტი გამოგვეცა. ამ დღეების განმავლობაში მიმდინარეობდა კონსულტაციები სხვადასხვა დღეს, გვქონდა სხვადასხვა შეხვედრა, როგორც არასამთავრობებთან,  ისე ექსპერტებთან. პროცესი არათუ გამჭვირვალე არ იყო, იყო გახსნილი და ყველა შესაბამის სუბიექტთან გვქონდა კონსულტაციები“,-განაცხადა ირაკლი კობახიძემ.

რაც შეეხება მათ, ვინც საკონსტიტუციო კომისიის შემადგენლობაში ვერ მოხვდნენ, კობახიძე ამბობს, რომ ყველა ადამიანის  მოსაზრების მოსასმენად კომისიის კარი ღია იქნება:

„კომისია იქნება ღია ყველასთვის. ჩვენ ვიყავით შეზღუდული სიის ჩამოყალიბებაში და მთლიანობაში 73 წევრი მივიღეთ. ბუნებრივია, უსასრულო ვერ იქნებოდა სია, თუმცა ყველას მოსაზრებებისთვის საკონსტიტუო კომისიის კარი ღია. კონსტიტუციის ყველა ნორმა მსჯელობის საგანი გახდება. განსაკუთრებული ყურადღება დაეთმობა მათ შორის საარჩევნო სისტემას“,-აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სააკაშვილი: ჩვენ გვჭირდება ადამიანები სტრატეგიული ხედვითა და დიდი გამბედაობით

გარდაბანში ავარიის შედეგად 8 ადამიანიდან 7 ადგილზე დაიღუპა, ერთი კრიტიკულ მადგომარეობაშია - ვიდეო

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას