დეკანოს კახაბერ გოგოტიშვილის განცხადებით, პატრიარქისთვის დაცვის სამსახურის გაუქმების საკითხი სინოდის სხდომაზე არ განიხილება. 

გოგოტიშვილის თქმით, მხოლოდ პატრიარქის გადასაწყვეტია სამსახურების გაუქმება და შექმნა. 

"სინოდი პატრიარქისთვის დაცვის მოხსნის საკითხს არ განიხილავს. ეს გახლავთ მცხეთა-თბილისის ეპარქია, ეს გახლავთ საპატრიარქო, რომელსაც თავისი სამსახურები აქვს და ამ სამსახურებს რა თქმა უნდა, ხელმძღვანელობს პატრიარქი, ამიტომ მხოლოდ პატრიარქის გადასაწყვეტია რაღაც სამსახური გაუქმება და შექმნა. ეს თბილისში, ამ ეპარქიაში ეხება მხოლოდ პატრიარქს. ეს პრობლემა არაა საჯარო და საზოგადო პრობლემა. ჩათვალეთ, რომ დაალაგებენ ამ საკითხს. მე ვფიქრობ, რომ ეს განსახილველი საკითხიც არ არის”, - განაცხადა დეკანოზმა.  

მეუფე იაკობმა  ჟურნალისტების პატრიარქის დაცვის უფროსთან დაკავშირებით დასმულ კითხვას მოკლედ უპასუხა: "ის არ არის ფიგურა, რომელზეც კომენტარი უნდა გავაკეთო, მაგრამ მე მაგას მაინც გავუშვებ". 

შეგახსენებთ, რომ რამდენიმე დღის წინ პატრიარქის დაცვის უფროსმა, იოსებ ოხანაშვილმა არ გამორიცხა, რომ სინოდის სხდომაზე პატრიარქისთვის დაცვის მოხსნის საკითხი დააყენონ. 

გარდა ამისა, მისივე თქმით, რამდენიმე ხნის წინ მოხდა ინციდენტი პატრიარქის დაცვის წევრებსა და ქორეპისკოპოსის თანაშემწეს შორის, თუმცა ინციდენტი ფიზიკურ დაპირისპირებაში არ გადაზრდილა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს