კულტურის სამინისტროში ვაჟა-ფშაველას საიუბილეო თარიღისადმი მიძღვნილი საღამო გაიმართება

2016-12-22 10:43:53, 4614 ნახვა

კულტურა

კულტურის სამინისტროში ვაჟა-ფშაველას საიუბილეო თარიღისადმი (155 წელი) მიძღვნილი საღამო დღეს, 19:00 საათზე გაიმართება. ღონისძიებას საქართველოს კულტურისა და ძეგლთა დაცვის მინისტრი მიხეილ გიორგაძე დაესწრება.

აღნიშნული ღონისძიების ფარგლებში საქართველოს კულტურისა და ძეგლთა დაცვის სამინისტროს ხელშეწყობითა და თსუ შოთა რუსთაველის სახელობის ქართული ლიტერატურის ინსტიტუტის, გიორგი ლეონიძის სახელობის ქართული ლიტერატურის სახელმწიფო მუზეუმის, გამომცემლობა „პალიტრა L“-ის ინიცირებით გამოცემული წიგნების (ვაჟა-ფშაველა, ვაჟა ფშაველა „მარადიული ღირებულებები“) პრეზენტაცია გაიმართება.

მოწვეული სტუმრები - ცნობილი პოეტები და მწერლები, ისაუბრებენ ვაჟა-ფშაველას შემოქმედებაზე. მსახიობები მხატვრულად წაიკითხავენ ნაწყვეტებს ვაჟა-ფშაველას შემოქმედებიდან.
საღამოს მუსიკალურად კომპოზიტორი და მუსიკოსის დავით ევგენიძის ბენდი გააფორმებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან