„ნაციონალური მოძრაობა“ ეკონომიკური გუნდის მინისტრებს პარლამენტში იბარებს

2016-12-20 12:53:50, 2421 ნახვა

პოლიტიკა ეკონომიკა

„ერთაიანი ნაციონალურის მოძრაობის“ ლიდერი დავით ბაქრაძე ეკონომიკური გუნდის მინისტრებს დიმიტრი ქუმსიშვილსა და გიორგი გახარიას 28 დეკემბერს დაგეგმილ საპარლამენტო უმცირესობაში შემავალი ფრაქციების გაერთიანებულ სხდომაზე დასწრებისკენ მოუწოდებს.

ბაქრაძე მათ მიმართავს, წარმოადგინონ სამოქმედო გეგმა, რომელიც ლარს კიდევ უფრო გაუფასურებისგან დაიცავს.

"საქართველოს პარლამენტის რეგლამენტის 94-ე მუხლის მე-3 პუნქტის შესაბამისად, მოგმართავთ, დაესწროთ საპარლამენტო უმცირესობაში შემავალი ფრაქციების გაერთიანებულ სხდომას, რომელზეც განხილულ იქნება საკითხი ქვეყანაში მიმდინარე მძიმე ეკონომიკურ მდგომარეობასთან - ლარის გაუფასურებასთან დაკავშირებით. გთხოვთ, სხდომაზე მოგვაწოდოთ ინფორმაცია ლარის შემდგომი გაუფასურების თავიდან ასაცილებლად ფინანსთა და ეკონომიკის სამინისტროების სამოქმედო გეგმის თაობაზე და ინფორმაცია ლარის გაუფასურების შედეგად დაზარალებული მოსახლეობის დასაცავად გადასადგმელი ნაბიჯების შესახებ", - აღნიშნა დავით ბაქრაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან