ზამთარი „მზიურში" პატარებისთვის განსაკუთრებით საინტერესო  და სახალისო იქნება. თიბისი ბანკის მხარდაჭერით, „მზიურის კაფე" სპეციალურად ბავშვებისთვის პროექტს „საკვი-რაო" იწყებს. 

პროექტი საგანმანათლებლო ხასიათის იქნება. 10 კვირის განმავლობაში, ყოველ კვირა დღეს „მზიურის კაფე" 2 საათის განმავლობაში ბავშვებსა და საბავშო მწერლებს დაეთმობათ. პატარებს შესაძლებლობა ექნებათ ავტორებთან ერთად წაიკითხონ ზღაპრები, ჩაერთონ დისკუსიაში, მათთვის საინტერესო თემებზე  მიიღონ პასუხები და მონაწილეობა მიიღონ სხვადასხვა სახის სახალისო-შემეცნებით აქტივობაში.

პირველი ასეთი  შეხვედრა „მზიურის კაფეში" 25 დეკემბერს, 12:00 საათზე გაიმართება და ის მთლიანად დაეთმობა საახალწლო თემატიკას. პატარებს პროექტის მონაწილე საბავშვო მწერლები: მარიამ წიკალური, პაატა პაპავა, ვასო გულეური და ლელა ცუცქერიძე უმასპინძლებენ. მომდევნო  შეხვედრებს ბავშვებთან მწერლები პერსონალურად გაუძღვებიან.

პროექტში მონაწილეობა შეუძლიათ 6-დან 9 წლამდე წლის ასაკის ბავშვებს. საკვირაო სკოლაში დასწრების მსურველებისთვის ბილეთების შეძენა ვებგვერდზე -  www.tkt.ge  უკვე შესაძლებელია, (ბილეთის საფასურში შედის ლანჩი ბავშვებისთვის).  პროექტიდან  შემოსული თანხა მთლიანად მოხმარდება  „მზიურის კაფის", როგორც სოციალური ბიზნესის განვითარებას.

„საკვი-რაო" პირველი პროექტი არ არის, რომელსაც „მზიურის პარკი" თიბისი ბანკის დახმარებით ახორციელებს.„ახალი მზიურის" პროექტის ფარგლებში,  სოციალური კაფისა და ამფითეატრის მშენებლობაც თიბისი ბანკის მხარდაჭერით განხორციელდა.

პროექტს  „საკვი-რაო"  „მზიურის კაფე"  5 მარტამდე უმასპინძლებს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს