საპარლამენტო უმრავლესობის ლიდერის არჩილს თალაკვაძის განცხადებით, უმრავლესობა წარმოდგენილ 2017 წლის სახელმწიფო ბიუჯეტის პროექტს მხარს უჭერს.

როგორც მან განმარტა, მხარს უჭერენ ბიუჯეტს, რომელმაც უნდა უზრუნველყოს მსხვილი პროექტების ინიცირება, რაც ახალი სამუშაო ადგილების შექმნის ერთ-ერთი მთავარი წყარო უნდა იყოს, ბიუჯეტს, სადაც ხელისუფლების სოციალური პასუხისმგებლობა, ვალდებულებები მნიშვნელოვან პრიორიტეტად რჩება:

„უმრავლსობის სახელით მინდა ვთქვა, ჩვენ მხარს ვუჭერთ ბიუჯეტის ისეთ კონფიგურაციას, სადაც ხდება მეტი ინვესტირება ეკონომიკურად აქტიურ ნაწილებში. იმ ნაწილებში, რომელმაც უნდა უზრუნველყოს განათლების სისტემის შემდგომი რეფორმირება და მისი უფრო ეფექტური ორიენტაცია შრომით ბაზართან მიმართებაში. ბიუჯეტს, რომელმაც უნდა უზრუნველყოს მსხვილი პროექტების ინიცირება, რაც ახალი სამუშაო ადგილების შექმნის ერთ-ერთი მთავარი წყარო უნდა იყოს, და ბიუჯეტს, სადაც ხელისუფლების სოციალური პასუხისმგებლობა, ვალდებულებები რჩება მნიშვნელოვან პრიორიტეტად. მინდა, მადლობა გადავუხადო მინისტრ ბატონ დიმიტრი ქუმსიშვილს, მოადგილეებს და სამინისტროს ყველა თანამშრომელს, რომელიც ჩართული იყო ამ პროექტის მომზადებაში. მინდა, მადლობა გადავუხადო ყველა სამუშაო შეხვედრისთვის, რომელიც დღემდე ჩატარდა, სადაც სამინისტრო ყოველთვის წარმოდგენილი იყო არგუმენტებით“,-აღნიშნა არჩილ თალაკვაძემ.

ამ წუთებში საპარლამენტო უმრავლესობის სხდომაზე ფინანსთა მინისტრი დიმიტრი ქუმსიშვილი ბიუჯეტის პროექტის მოკლე პრეზენტაციას წარადგენს, შემდეგ კი ფინანსთა სამინისტროს გუნდთან ერთად, უმრავლესობის წევრების შეკითხვებს უპასუხებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბაქოს შემდეგ, ურსულა ფონ დერ ლაიენი ერევანში სამუშაო ვიზიტით ჩავიდა

ერთიანი ეროვნული გამოცდები დაიწყო, გამოცდა ქართული ენისა და ლიტერატურაში ტარდება

ნეთანიაჰუ: ისრაელი წელს აშშ-ს ფინანსურ დახმარებაზე უარს იტყვის

კიევში რუსეთის მასშტაბური საჰაერო დარტყმის შედეგად მრავალსართულიანი შენობები ჩამოინგრა, ათი ადამიანი დაიღუპა და 50-ზე მეტი დაშავდა