ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრი ვიქტორ დოლიძე საქართველოში გაეროს ბავშვთა ფონდის (unicef) წარმომადგენელს ლაილა ომარ გადს შეხვდა.

მთავრობის ადმინისტრაციაში გამართულ შეხვედრაზე საუბარი შეეხო ორმხრივი თანამშრომლობის საკითხებს, კერძოდ, ასოცირების შესახებ  შეთანხმებისა და 2017-2020 წლებისთვის ასოცირების დღის წესრიგის წარმატებით განხორციელების პროცესში გაეროს ბავშვთა ფონდის დახმარებას ისეთ კონკრეტულ სფეროებში, როგორიცაა ჯანდაცვა და განათლება. ასევე, განიხილეს უახლოეს მომავალში ბავშვთა უფლებების საკითხებზე ევროპარლამენტის წარმომადგენლებთან შესახვედრად ევროპარლამენტში საქართველოს საპარლამენტო დელეგაციის ვიზიტის შესაძლებლობა.

ლაილა ომარ გადმა ვიქტორ დოლიძეს შესთავაზა ქ. ბრიუსელში გაეროს ბავშვთა ფონდის ადგილობრივ დირექტორთან შეხვედრა, რაც საშაულებას მისცემს მხარეებს განიხილონ საქართველოში სხვა დახმარების პროგრამების განხორციელების საკითხი.

ამასთან, სახელმწიფო მინისტრის აპარატის ინფორმაციით, შეხვედრაზე მხარეები შეთანხმდნენ სახელმწიფო მინისტრის აპარატიდან კონკრეტული წარმომადგენლის (focal person) გამოყოფაზე, რომელიც იმუშავებს როგორც ბავშთა ფონდის, ისე, გაეროს სხვა ოფისების წარმომადგენლებთან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს