უახლოეს მომავალში ავიაკომპანია „Georgian Airways“-ი და საქართველოს სოლიდარობის ფონდი ურთიერთთანამშრომლობის მემურანდუმს გააფორმებენ.

როგორც „ექსპრესნიუსს“ ფონდიდან აცნობეს, მემორანდუმი „Georgian Airways”-ის თბილისი - ამსტერდამის ყოველ რეისზე შეძენილი თითოეული ავიაბილეთიდან „სოლიდარობის ფონდში“ გარკვეული თანხის გადარიცხვას გულისხმობს.

„ბილეთის შეძენისას თქვენ ავტომატურად ხდებით ამ უაღრესად კეთილშობილური საქმის თანამონაწილე, რომელიც ბავშვების სიცოცხლის გადარჩენას ისახავს მიზნად. მოვუწოდებთ ყველა კომპანიას, ერთად დავუდგეთ სოლიდარობის ფონდს და იმ ადამიანებს მხარში, ვისაც ჩვენი დახმარება ჰაერივით სჭირდება!“, - აცხადებენ ფონდში.

ცნობისთვის, საქართველოს სოლიდარობის ფონდი 2014 წელს პრემიერ-მინისტრის ინიციატივით შეიქმნა და პირველ ეტაპზე სიმსივნით დაავადებული ბავშვებისა და 22 წლამდე ახალგაზრდების მკურნალობის დაფინანსებას მოიცავს.

ერთად გადავარჩინოთ სიცოცხლე, რადგან #სიკეთეგადამდებია!

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა