2016-11-30 16:49:04, 776 ნახვა
პოლიტიკა
პრემიერმა რეგიონული განვითარებისა და ინფრასტრუქტურის მინისტრის ახალი მოადგილეების დანიშვნას ხელი მოაწერა
საქართველოს პრემიერ-მინისტრმა გიორგი კვირიკაშვილმა რეგიონული განვითარებისა და ინფრასტრუქტურის მინისტრის მოადგილეების დანიშვნის შესახებ ბრძანებებს ხელი მოაწერა.
რეგიონული განვითარებისა და ინფრასტრუქტურის მინისტრის მოადგილეებად გენადი არველაძე, ირაკლი მატკავა და კახაბერ გულედანი დაინიშნენ.
ამასთან, რეგიონული განვითარებისა და ინფრასტრუქტურის ახალმა მინისტრმა ზურაბ ალავიძემ თენგიზ შერგელაშვილი, ილია დარჩიაშვილი და ეკა სეფაშვილი თანამდებობებიდან გაათავისუფლა.
გარდა ამისა, ზურაბ ალავიძემ სამინისტროში დღეს რეორგანიზაცია გამოცხადა. რეორგანიზაციის ერთ-ერთი პუნქტი სამინისტროში შტატების შემცირებასაც ითვალისწინებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
