ბოლო პერიოდში ახლო აღმოსავლეთში განვითარებულმა მოვლენებმა ცხადყო, რომ ტერორისტული ორგანიზაცია ,,ისლამური სახელმწიფო“ გლობალური ტერორისტული საფრთხის ყველაზე მკაფიო გამოვლინებაა. „ისლამური სახელმწიფოს“ წევრობისთვის 2015 წლიდან დღემდე პასუხისგებაში მიეცა 11 პირი, - ამის შესახებ საქართველოს მთავარი პროკურორის, ირაკლი შოთაძის ანგარიშშია ნათქვამი.

ანგარიშის თანახმად, აღნიშნული პროცესები კავკასიის რეგიონზე უარყოფითად აისახა, მათ შორის  - საქართველოზე.

როგორც ანგარიშშია ნათქვამი, სამართალდამცავი ორგანოების კოორდინირებული მუშაობის შედეგად გადაიდგა კონკრეტული ნაბიჯები ტერორიზმის საფრთხის აღმოსაფხვრელად - მოხდა ტერორისტული დანაშაულის ჩამდენ პირთა გამოვლენა და მათ ქმედებებს სამართლებრივი შეფასება მიეცა.

უწყების ინფორმაციით, 2015-2016 წლებში ტერორისტული დანაშაულისთვის სისხლის სამართლებრივი დევნა დაიწყო 16 პირის მიმართ, რამაც მნიშვნელოვნად შეამცირა პირების მიგრაცია "ისლამურ სახელმწიფოში". ტერორისტული ორგანიზაცია „ისლამური სახელმწიფოს“ წევრობისთვის 2015 წლიდან დღემდე პასუხისგებაში მიეცა 11 პირი, რომელთაგან გამამტყუნებელი განაჩენი გამოტანილია 10 პირის მიმართ, ხოლო ერთი პირის მიმართ საქმე იხილება არსებითად.

„ამერიკის შეერთებული შტატების სახელმწიფო დეპარტამენტის ანგარიშში, რომლითაც 2015 წლის მდგომარეობით შეფასებულია მსოფლიო ტერორისტული საფრთხეები, საქართველოს, როგორც მნიშვნელოვან პარტნიორს, დათმობილი აქვს ცალკე თავი. ჩვენი ქვეყანა აღიარებული იქნა ტერორისტულ ორგანიზაციებთან ბრძოლაში გლობალური კოალიციის წევრად, რომელმაც დახვეწა კანონმდებლობა ტერორიზმთან ბრძოლის საკითხებში და მნიშვნელოვანი ნაბიჯები გადადგა საკუთარი საზღვრების უსაფრთხოების გასაძლიერებლად“,- ნათქვამია ანგარიშში, რომელიც ირაკლი შოთაძემ საპროკურორო საბჭოს გააცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უხვმა ნალექმა დედაქალაქის ათივე რაიონში პრობლემები შექმნა - თბილსერვის ჯგუფი

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა