2016-11-25 18:52:08, 1675 ნახვა
ეკონომიკა
1-ლი ნოემბრის მდგომარეობით, საქართველოს საბანკო სექტორი 17 კომერციული ბანკითაა წარმოდგენილი
მიმდინარე წლის პირველი ნოემბრის მდგომარეობით, საქართველოს საბანკო სექტორი 17 კომერციული ბანკითაა წარმოდგენილი.
ინფორმაციას საქართველოს ეროვნული ბანკი ავრცელებს:
„მათ შორის 15 - საწესდებო კაპიტალში უცხოური კაპიტალის მონაწილეობით და 1 - უცხოური ბანკის ფილიალით. ოქტომბერში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 1.1 მლრდ ლარით, ანუ 4.3 პროცენტით გაიზარდა (გაცვლითი კურსის ეფექტის გარეშე ზრდამ 2.2 პროცენტი შეადგინა) და პირველი ნოემბრისათვის 27.1 მლრდ ლარი შეადგინა.
საბანკო სექტორის საკუთარი სახსრები 3.9 მლრდ ლარს შეადგენს, რაც კომერციული ბანკების მთლიანი აქტივების 14.4 პროცენტია“, - ნათქვამია ეროვნული ბანკის ინფორმაციაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
