საქართველოს პრემიერ-მინისტრობის კანდიდატმა გიორგი კვირიკაშვილმა ფრაქცია „საქართველოს პატრიოტების“ წევრის ადა მარშანიას შენიშვნას უპასუხა, რომ მას  შეექმნა შთაბეჭდილება, თითქოს  ეკონომის მინისტრის პრეზენტაცია მოისმინა.

კვირიკაშვილის თქმით, საქართველოს უმთავრესი გამოწვევა ეკონომიკა, სამუშაო ადგილების შექმნა,  სიღარიბის დაძლევაა და ბუნებრივია, რომ ამ თემებზე ისაუბრა.

 ამავდროულად, გიორგი კვირიკაშვილი ამბობს, რომ მისი თითოეული სიტყვა აფხაზეთსა და სამაჩაბლოს ეხებოდა:

„გათავისებული მაქვს  ის  პასუხისმგებლობა, რაც მე და ჩემს კაბინეტს ეკისრება ამ მიმართულებით გარკვეული ძვრების კუთხით. დღეს გაგვაჩნია ერთადერთი ბერკეტი, რომელიც მაქსიმალურად უნდა გამოვიყენოთ, ესაა ეკონომიკური განვითარების ბერკეტი, რომ ჩვენი ქვეყანა ვაქციოთ მიმზიდველ ქვეყანად და ურთიერთობები უნდა დავათბოთ, ერთადერთი,  რასაც ვერ გავაკეთებთ, ვერანაირი კომპრომისი ვერ იქნება ტერიტორიული მთლიანობისა და სუვერენიტეტის კუთხით. დამერწმუნებთ, ჩვენ გვაქვს არაერთი საინტერესო ინიციატივა იმისათვის, რომ აფაზებსა და ქართველებს,  ოსებსა და ქართველებს შორის ნდობა აღვადგინოთ. ყველა წინადადებაში იგულისხმება აფხაზეთი და სამაჩაბლო და ჩვენ ვერ შევეგუებით იმ ნაბიჯებს, რასაც დღღეს რუსეთი დგამს ამ ტერიტორიებთან მიმართებაში. მხედველობაში მაქვს ბოლო პერიოდის ხელშეკრულებები. არ ვაპირებ იმ რუტინის გაგრძელებას, რომელშიც აქამდე ვიმყოფებოდით“,-აღნიშნა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო