იტალიის ცენტრალურ ნაწილში ორი საათის ინტერვალით ორი ძლიერი მიწისძვრა მოხდა, - ამის შესახებ CNN იუწყება.

როგორც მედია საშუალება წერს, პირველი მიწისქვეშა ბიძგები, რომლის სიმძლავრე 5,4 მაგნიტუდას შეადგენდ, მაჩერატას პროვინციაში დაფიქსირდა.

მოგვიანებით  კიდევ 6 მაგნიტუდის სიმძლავრის მიწისძვრა მოხდა, რომლის ეპიცენტრი ქალაქ პერუჯადან აღმოსავლეთით, 68 კილომეტრში მდებარეობდა.

BBC-ს ინფორმაციით, მიწისქვეშა ბიძგები დედაქალაქ რომშიც იგრძნობოდა.

სტიქიის შედეგად დანგრეულია რამდენიმე შენობა. არსებული ინფორმაციით, რამდენიმე დასახლებული პუნქტი ელექტროენერგიის გარეშეა დარჩენილი.

როგორც მედია საშუალება ადგილობრივ ხელისუფლებაზე დაყრდნობით იტყობინება, დაშავებულია ათობით ადამიანი, თუმცა მხოლოდ ოთხმა მათგანმა მიიღო სერიოზული ტრავმები. გარდაცვლილების შესახებ იფნორმაცია არ ვრცელდება.

CNN-ის ცნობით, უმბრიას რეგიონის ქალაქ კამპოში მე-15 საუკუნის ეკლესიაა დანგრეულია, რომელიც აგვისტოში მომხდარმა მიწისძვრამ დააზიანა.

შეგახსენებთ, რომ 24 აგვისტოს ცენტრალურ იტალიაში მომხდარი მიწისძვრის შედეგად 300-მდე ადამიანი გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი