შეზღუდულ სივრცესა და შეზღუდულ შესაძლებლობას მნიშვნელობა არ აქვს, თუ არის სპორტული ჟინი და ჯანსაღი სულიკვეთება,- ასეთი იყო ღონისძიების ლაიტმოტივი, რომელიც  16 მარტს, ქსნის N 15 დაწესებულებაში გაიმართა. 

რეკორდების ფედერაციამ მსჯავრდებულ კუკური სალბიშვილს რეკორდსმენობის დამადასტურებელი სერფიტიკატი გადასცა.

სასჯელაღსრულების სამინისტროს ინფორმაციით, პატიმარმა სასჯელაღსრულების დაწესებულებაში ყოფნის პერიოდში მსოფლიო რეკორდი ოთხჯერ დაამყარა, მათ შორის,  ცალი ხელის თითსა და ე.წ. ვაკასანას პოზით აზიდვაში.

N 15 დაწესებულებაში გამართულ ღონისძიებას მსოფლიო რეკორდსმენები დაესწრნენ.  ასევე, სპორტსმენები, რომელთაც შეზღუდული შესაძლებლობების მიუხედავად, მსოფლიო რეკორდების დამყარება შეძლეს.

„მიუხედავად სიძნელეებისა, ცხოვრება  გრძელდება, უნდა ვიბრძოლოთ. ასეთი  სულისკვეთების  მაგალითი გვაჩვენა  კუკური სალბიშვილმა, რომელიც სასჯელაღსრულების დაწესებულებაში  რეკორდსმენი გახდა“,-აღნიშნა მსოფლიო რეკორდსმენმა თემურ დადიანმა. 

 სასჯელაღსრულების დეპარტამენტის  სოციალური სამსახურის უფროსის ლეილა აფციაურის თქმით, „ადამიანის შესაძლებლობებს საზღვარი არ აქვს.  სასჯელაღსრულებისა და პრობაციის სამინისტრო მაქსიმალურად ხელს უწყობს მსჯავრდებულებს თავინთი  უნარების რეალიზებაში. ეს მათი რეაბილიტაციის და შესაბამისად, დანაშაულის პრევენციის მთავარი პირობაა“.

 დაწესებულებაში, ასევე, გაიმართა რეკორდსმენების შესახებ გადაღებული ფილმის ჩვენება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან

მსოფლიო პატრიარქის გულისამაჩუყებელი მიმართვა საქართველოს ახალი პატრიარქისადმი

მინისტრების, სახელმწიფო რწმუნებულებისა და მერების მოადგილეებს სახელფასო დანამატისა და ფულადი ჯილდოს მიღების შესაძლებლობა ექნებათ