ეროვნული ბანკი სავალუტო ინტერვენციებს, ანუ დოლარის გაყიდვას ახდენს იმიტომ, რომ ეროვნული ვალუტა გარკვეული რყევებისაგან დაიცვას, - ამის შესახებ ექსპერტმა ეკონომიკურ საკითხებში ლევან კალანდაძემ "ექსპრესნიუსს" განუცხადა.

როგორც კალანდაძემ აღნიშნა, წინა პერიოდში, როდესაც  ლარის გამყარების ტენდენცია იყო, ეროვნული ბანკი დოლარს ყიდულობდა და ლარს ყიდდა, რითაც ეკონომიკურ სტაბილურობას აკორექტირებდა.

ექსპერტის შეფასებით, ის რაც დღეს სავალუტო ბაზარზე ხდება სავსებით ლოგიკური და პროგნოზირებადია.

"დღეს გარკვეული ფაქტორებმა, რაც უპირველეს ყოვლისა უკავშირდება მსხვილ ტრანზაქციებს, რომელიც ბოლო პერიოდში ქვეყანაში განხორციელდა, სავალუტო გადინების ტემპის მატება გამოიწვია. შესაბამისად ეროვნული ბანკი შეეცადა სავალუტო ინტერვენციით, ანუ დოლარის გაყიდვით მასტაბილიზებელი როლი ეთამაშა. ეს ხდება მუდმივად. იმის გათვალისწინებით, რომ ეს გარკვეული რყევები არ გადაზრდილიყო შოკის ეფექტის მომცემ ტენდენციაში, ეროვნულმა ბანკმა გამოიყენა ინტერვენცია. როდესაც ლარის დასტაბილურობის კუთხით გარკვეული ტრენდი ჩამოყალიბდება, მაშინ ეროვნული ბანკი პირიქით გააგრძელებს დოლარის შეძენას და ლარის გაყიდვას. ეს ჩვეულებრივი ამბავია. მთავარი არის ის, რომ ლარის კურსის ცვლილებამ არ გამოიწვიოს გარკვეული პანიკური აჟიოტაჟი, არ იყოს მყისიერი, ნახტომისებური, აქედან  გამომიდინარე ვთვლი, რომ ის რაც დღეს სავალუტო ბაზარზე ხდება სავსებით ლოგიკური და პროგნოზირებადია", - განაცხადა კალანდაძემ.

მისივე განმარტებით, ბოლო პერიოდში ლარის კურსთან მიმართებაში მნიშვნელოვანი რყევები არ დაფიქსირებულა.

"რყევები, რომელიც გამოიწვევდა რაიმე სერიოზულ პრობლემას ბიზნესისთვის, სამომხმარებლო ფასებისთვის, მათ სორის ინფლაციის დონეს, მაქსიმალურად მოზომილია და ფარგლებში ჯდება. თუ რყევები გაგრძელდა ბუნებრივია ეროვნული ბანკი გამოიყენებს სავალუტო ინტერვენციის ინსტრუმენტს იმისთვის, რომ ბაზარზე ფინანსური სტაბილურობა უზრუნველყოს. მთავარია, რომ არ გვაქვს შოკები და ამ შოკების კონკრეტული ნიშნები", - განაცხადა ექსპერტმა.

ცნობისთვის, ეროვნული ბანკის მიერ დადგენილი ლარის ახალი ოფიციალური გაცლითი კურსის თანახმად, 1 დოლარი ხვალ, 2.3527 ლარი ეღირება, დღეს კი, მისი ღირებულება 2.3365 ლარს შეადგენს. კურსის ცვლილებამ დოლართან მიმართებაში 0.0162 ლარი შეადგინა.

რაც შეეხება ევროს, 1 ევრო ხვალ, 2.5920 ლარი ეღირება, დღეს კი, მისი შეძენა 2.5900 ლარად არის შესაძლებელი. კურსის ცვლილებამ ევროსთან მიმართებაში 0.0020 ლარი შეადგინა.

შეგახსენებთ, 25 აგვისტოდან დღემდე სებ-მა სავალუტო აუქციონზე 180 მილიონი დოლარი გაყიდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება