აბაშიძემ, დოლიძემ, ცაგარეიშვილმა და ონოფრიშვილმა „თავისუფალი დემოკრატები“ დატოვეს

2016-10-12 15:05:54, 1208 ნახვა

პოლიტიკა

"თავისუფალი დემოკრატების" წევრები ვიქტორ დოლიძე, ზურაბ აბაშიძე და გიორგი ცაგარეიშვილი პარტიულ საქმიანობას წყვეტენ.

ამის შესახებ მათ დღეს გამართულ საგანგებო ბრიფინგზე განაცხადეს.

„საზოგადოების წარმომადგენლებს ყველას მადლობა მინდა გადავუხადო. მადლობა საზოგადოებას, რომელმაც მხარი დაგვიჭირა, იმათაც, ვინც მხარი არ დაგვიჭირა. „თავისუფალი დემოკრატები“ უნდა ყოფილიყვნენ პარლამენტში. მე არ ვრჩები პარტიაში. დღეიდან ვწყვეტ პარტიულ საქმიანობას და ამით გზას ვუხსნი ახალ ხალხს, რომელიც შემოუერთდა ამ პარტიას. მე არასდროს არ მიხელმძღვანელია ვიწროპარტიული ინტერესებით. პირველ ადგილას იყო სახელმწიფო ინტერესები. მომავალში რა ამპულაში მოგევლინებით, დრო გვიჩვენებს“,-განაცხადა ზურაბ აბაშიძემ.

ვიქტორ დოლიძის თქმით, 5 უდანაშაულო თავდაცვის სამინისტროს თანამშრომლების ციხიდან გამოშვებაზე ბოლომდე იბრძოლებს.

ცაგარეიშვილის განცხადებით კი, რა ამპლუაშიც არ უნდა მოევლინოს საზოგადოებას, ყოველთვის ქვეყნის მსახური იქნება და დარწმუნებულია, საქართველოს ევროპული მომავალი აუცილებლად დადგება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან