ნატო-სა და ევროკავშირის შესახებ საინფორმაციო ცენტრში  საერთაშორისო მედია-ცენტრი-არჩევნები 2016  გაიხსნა.

ცენტრი  საქართველოს პრემიერ-მინისტრის გიორგი კვირიკაშვილის  დავალებით, წინასაარჩევნო პროცესისა და არჩევნების  სრულფასოვანი  გაშუქების მიზნით მოეწყო. 

საერთაშორისო მედია-ცენტრი, როგორც გამჭვირვალე  და ევროპული  სტანდარტების  არჩევნების  ერთ-ერთი  მნიშვნელოვანი  წინაპირობა, ქართველ და  უცხოელ  ჟურნალისტებს ინფორმაციის  მომზადებისა და გავრცელებისთვის ნეიტრალურ  სივრცეს  სთავაზობს. საინფორმაციო ცენტრი მედიის წარმომადგენლებისთვის  უზრუნველყოფს: ტექნიკურ აღჭურვილობას, სწრაფ უკაბელო ინტერნეტსა და კომფორტულ გარემოს მუშაობისთვის.

„დღეიდან ფუნქციონირებას იწყებს საერთაშორისო მედია-ცენტრი, რომელიც ღიაა ყველა აკრედიტებული მედიასაშუალებისათვის როგორც საერთაშორისო, ისე ადგილობრივი ჟურნალისტებისათვის  იმისათვის, რომ მაქსიმალურად კომფორტული გარემო შეიქმნას სამუშაოდ.  მედიაცენტრი   იფუნქციონირებს როგორც 8 ოქტომბერს, ასევე არჩევნების შეჯამებამდე. შესაბამისად, ნებისმიერ მსურველს გელოდებით. ცენტრი იფუნქციონირებს 24 საათიან რეჟიმში, განსაკუთრებით არჩევნების პერიოდში“,-განაცხადა ნატო-სა და ევროკავშირის შესახებ საინფორმაციო ცენტრის დირექტორმა ქეთევან ჩაჩავამ.

საერთაშორისო  მედია-ცენტრი-არჩევნები 2016  მზადაა სტუმრების მისაღებად  თავისუფლების მოედანზე-შ. დადიანის ქ.2/1.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა