ბრიუსელში ევროკავშირის მუდმივ წარმომადგენელთა კომიტეტი საქართველოს ვიზალიბერალიზაციის საკითხზე ევროპარლამენტთან მოლაპარაკებების დაწყებას დათანხმდა. 

ამის შესახებ ევროკავშირის საბჭოს ოფიციალურ ვებგვერდზეა გამოქვეყნებულ განცხადებაშია აღნიშნული.

მიღებული მანდატის საფუძველზე, სლოვაკეთის თავმჯდომარეობით ევროკავშირის საბჭო ევროპარლამენტთან მოლაპარაკებებს იწყებს.

ევროსაბჭოში აცხადებენ, რომ საქართველოს ვიზალიბერალზიაციისა და შეჩერების ახალი მექანიზმის ამოქმედება ერთდროულად უნდა მოხდეს.

"დღეს საბჭომ აჩვენა საქართველოს მოქალაქეებისთვის უვიზო რეჟიმის მინიჭების ძლიერი მხარდაჭერა საქართველოში განხორციელებული რეფორმების გათვალისწინებით. ევროკავშირის თავმჯდომარეს სჯერა, რომ სანდო რეფორმების გზა სწორია და უნდა იყოს წახალისებული. ჩვენ ამ პროცესის დასრულებაში ევროპარლამენტის მხარდაჭერის იმედი გვაქვს, რომ საქართველოს მოქალაქეებმა უვიზო რეჟიმით სარგებლობა რაც შეიძლება მალე შეძლონ”, -  განაცხადა ევროკავშირის მუდმივ წარმომადგენელთა კომიტეტის პრეზიდენტმა, ევროკავშირში სლოვაკეთის წარმომადგენელმა პიტერ იავორჩიკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა