საქართველოს თანაინვესტირების ფონდის მიერ დაფუძნებულ ტურიზმის განვითარების ფონდს ირაკლი ქარსელაძე უხელმძღვანელებს.

თანაინვესტირების ფონდის ინფორმაციით,  ფონდი ტურისტული ინფრასტუქტურის გასავითარებლად ახორციელებს $680 მლნ. აშშ დოლარის ღირებულების 8 მასშტაბურ პროექტს თბილისში, გურიაში, აჭარასა და სამეგრელოში. ამ პროექტებიდან სამ კომპლექსში შემოსულია “მარიოტის” საერთაშორისო ქსელის უმაღლესი კატეგორიის ბრენდი Autograph Collection.

ამასთან, საქართველოს თანაინვესტირების ფონდის მენეჯმენტის გადაწყვეტილებით, ტურიზმის განვითარებაზე ორიენტირებული პროექტებისთვის შეიქმნა საქართველოს ტურიზმის განვითარების ფონდი.

"ფონდის დაარსების მიზანია ქვეყანაში ტურისტული ინფრასტრუქტურის სწრაფი განვითარების ხელშეწყობა და კონკრეტული პროგრამების განხორციელება ტურიზმში ჩართული კომპანიების მომსახურების ხარისხის გასაუმჯობესებლად, რისთვისაც დაგეგმილია რეგიონული ტრენინგ ცენტრების შექმნა საქართველოს სხვადასხვა რეგიონში და ტურიზმის სფეროში ჩართული ადგილობრივი მოსახლეობის გადამზადება. ფონდის ერთ-ერთი უმნიშვნელოვანესი მისიაა ტურისტული მიზიდულობის ახალი ცენტრების შექმნა და დამატებითი ინვესტიციების მოზიდვა ეკონომიკურად ნაკლებად აქტიურ რეგიონებში. ამის კარგი მაგალითია ფონდის პროექტები განმუხურსა და შეკვეთილში. ბოლო რამდენიმე წლის განმავლობაში ტურისტების ნაკადის მუდმივი ზრდის ტემპები ითხოვს ტურისტული ინფრასტრუქტურისა და მომსახურების ხარისხის განვითარებას და ახალი სტანდარტების სწრაფ იმპლემენტაციას, რაც იქნება “ტურიზმის განვითარების ფონდის” უმთავრესი მისია",-აღნიშნულია  თანაინვესტირების ფონდის ინფორმაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს