კიდევ ერთხელ ვიტყვი რომ ეს ყველაფერი არის სუსის მიერ განხორციელებული, რომელიც კგბ-ს მეთოდით მოქმედებს, - ამის შესახებ პარტია "მოძრაობა სახელმწიფო ხალხისთვის" ლიდერმა პაატა ბურჭულაძემ დაკითხვის დასრულების შემდეგ ჟურნალისტებს განუცხადა.

მისივე თქმით, უწყების ძირითადი მიზანი იყო, რომ მთელი დღე დაკითხვაზე ყოფილიყო.

"დამაკარგვინეს მთელი დღე, რეგიონებში ჩასვლაც ვერ მოვახერხე, მაგრამ ორშაბათს პრესკონფერენციას გავმართავ და ძალიან მწვავე განცხადებას გავაკეთებ. პრესკონფერენციაზე მოვიწვევ დიპლომატიური კორპუსის წარმომადგენლებს, არასამთავრობო ორგანიზაციებს, საერთაშორისო დამკვირვებლებს და რა თქმა უნდა ჟურნალისტებს. ძალიან ცუდი მეთოდებით გვებრძვიან და ის, რაც ხდება არის მიუღებელი", - განაცხადა ბურჭულაძემ.

როგორც ბურჭულაძემ განმარტა, დაკითხვის პროცესი ძალიან ნორმალურ და წყარ ვითარებაში მიმდინარეობდა და მისთვის არ დაუსვამთ ისეთი კითხვები, რომელზეც ტელევიზიის მეშვეობით არ უპასუხია.

"ორშაბათის პრესკონფერენციაზე ვისაუბრებ იმაზე, თუ როგორ მიმდინარეობს ჩვენთან "დემოკრატიული" წინასაარჩევნო პროცესები. ასევე ვისაუბრებ ზეწოლაზე, რომელიც ჩვენზე ხორციელდება", - აღნიშნა ბურჭულაძემ.

ცნობისთვის, შსს-ში "რუსთავი 2-ის" გენერალური დირექტორის დაკითხვა ჯერაც მიმდინარეობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს