თბილისის მერის მოადგილე ირაკლი ლექვინაძე ვარკეთილის მესამე მასივის მოსახლეობას შეხვდა. შეხვედრას ესწრებოდნენ სამგორის რაიონის გამგებელი გიორგი ბაგრატიონი და ავარიული კორპუსის მცხოვრებლები, რომლებსაც თბილისის მერია ბინის ქირით უზრუნველყოფს.

თბილისის მერიაში გამართულ შეხვედრაზე ვარკეთილის მესამე მასივის მცხოვრებლებს წარედგინათ შეთავაზება საცხოვრისით უზრუნველყოფასთან დაკავშირებით. როგორც ირაკლი ლექვინაძემ აღნიშნა, მერიის ეკონომიკური განვითარების სამსახურის მიერ დამუშავებულია პროექტი, რომლის მიხედვითაც დაინტერესებული ინვესტორებისთვის მოქნილი პირობებია, ავარიულის ნაცვლად ახალი კორპუსები ააშენონ და მოსახლეობა დაკმაყოფილდეს. ამ მიზნით, მესამე მასივში შერჩეულია 3 ჰექტარი მოცულობის მუნიციპალური ტერიტორია, სადაც აღნიშნული მშენებლობები უნდა განვითარდეს. ამ დროისათვის მიმდინარეობს 3 ჰექტარი ტერიტორიის განაშენიანების გეგმის შემუშავება, რომლის შემდეგაც შესაძლებელი იქნება პირობიანი აუქციონის გამოცხადება.

„დღეს გვქონდა შეხვედრა თბილისის მერიაში ვარკეთილის მესამე მასივის მოსახლეობასთან. ჩვენ გვქონდა საინტერესო შეთავაზება მათთვის, რაც გულისხმობს არსებული ავარიული კორპუსების ჩანაცვლებას და ინვესტორისთვის ისეთი პირობების შეთავაზებას, რომლის სანაცვლოდაც ის ააშენებს ახალ კორპუსს, სადაც ამ ადამიანების გადაყვანა მოხდება. პროექტი დამუშავების პროცესშია და ინვესტორებთან, ადგილობრივ მოსახლეობასთან შეთანხმებით, მომავალი წლიდან საკონკურსო პირობებით ამოქმედდება“, - განაცხადა ირაკლი ლექვინაძემ.

თბილისის მერის მოადგილის თქმით, აღნიშნული თემა, არჩევნების მოახლოებასთან ერთად, პოლიტიკური სპეკულაციის საგნად იქცა.

„არჩევნებთან დაკავშირებით ეს საკითხი აქტუალური გახდა. სამწუხაროდ, ძალიან ბევრი პოლიტიკური პარტია უპასუხისმგებლოდ ავრცელებს ინფორმაციას, თითქოს, ისინი ამ პრობლემას მოაგვარებენ, თუმცა ეს ასე მარტივი არ არის. ამას სჭირდება დრო. დღეს ჩვენი საქმიანი შეხვედრა  ემსახურება არა რაღაც იდეების წარმოდგენას, არამედ კონკრეტულ შეთავაზებას“, - განაცხადა ირაკლი ლექვინაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე