პარტია „მრეწველობა გადაარჩენს საქართველოს“ ერთი-ერთი ლიდერის, ზურაბ ტყემალაძის განცხადებით, სამართლიანობის აღდგენის კუთხით, დღევანდელი და 2012 წლამდე არსებული ვითარების შედარება არ შეიძლება.

როგორც ტყემალაძემ „ექსპრესნიუსთან“ ინტერვიუში დემურ სტურუას თვითმკვლელობასთან დაკავშირებით განაცხადა, წინა ხელისუფლების დროს მსგავსი ფაქტები წახალისებული იყო, დღეს კი, დაგმობილია.

„დემურ სტურუას შემთხვევაში საშინელი ფაქტი მოხდა. თუმცა, წინა ხელისუფლების დროს მსგავსი ფაქტები იყო წახალისებული, დღეს უკვე დაგმობილია. სტურუას თვითმკლებიდან ძალიან მალე საქმე გამოძებულ იქნა და დამნაშავე პასუხისგებაში მიეცა. იქ, როგორც ჩანს, ეს სისტემა მოქმედებდა და ყველა უნდა დაისაჯოს. მართალია, ის მიიმალა, მაგრამ აუცილებლად დაისჯება. თუმცა, სამწუხარო ინციდენტი მოხდა, მაგრამ ამ ფაქტზე მწვავე რეაქციაა. თუმცა, მსოფლიოში ვერ ნახავთ ქვეყანას, რომ კრიმინალი არ ხდებოდეს. სამართლიანობის აღდგენა ისაა, რომ დღეს კი რაღაც ხდება, მაგრამ 2012 წლამდე არსებულ სიტუაციასთან შედარებაც არაა. 35 000-მდე პატიმარი გყვავდა და დღეს 7 000-მდე შემცირდა ეს რიცხვი. დემოკრატიული თვალსაზრისით, ეს ძალიან დიდი მიღწევაა“, - აცხადებს ტყემალაძე.

ცნობისთვის, დემურ სტურუამ 7 აგვისტოს თვითმკვლელობით დაასრულა სიცოცხლე. მან სიკვდილამდე წერილი დატოვა, სადაც პოლიციელის მხრიდან ზეწოლის ფაქტზე საუბრობს.

ინტერვიუ ზურაბ ტყემალაძესთან

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთი და ბალტიისპირეთის ქვეყნები რუსეთის მიერ კაშხლების, გაზსადენებისა და ელექტროსადგურების საბოტაჟისთვის ემზადებიან

რუსეთის უზენაესმა სასამართლომ ოპოზიციური პარტია იაბლოკო დუმის არჩევნებიდან მოხსნა

ადვოკატმა უარი თქვა თელავის სასტუმროში მომხდარ ინციდენტში ბრალდებულის დაცვაზე

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.