15 სასოფლო-სამეურნეო კოოპერატივს სხვადასხვა სიმძლავრის რძის მიმღებ-გადამამუშავებელი მცირე საწარმოები გადაეცემა, რომლებიც აღჭურვილი იქნება ნედლი რძის კონტროლის საველე ლაბორატორიული ხელსაწყოებით.

როგორც "ექსპრესნიუსს" სოფლის მეურნეობის სამინისტროდან აცნობეს, სასოფლო-სამეურნეო კოოპერატივებს მსხვილფეხა რქოსანი პირუტყვის ჯიშობრივი გაუმჯობესებისა და პროდუქტიულობის ამაღლების მიზნით ხელოვნური განაყოფიერებისათვის საჭირო აღჭურვილობა გადაეცემათ. კოოპერატივები, ასევე ტექნიკურ დახმარებას ტრეინინგების სახით მიიღებენ. 

სახელმწიფო პროგრამაში მონაწილებას სხვადასხვა რეგიონში რეგისტრირებული კოოპერატივები იღებენ. კერძოდ, სამეგრელოს რეგიონში 3 სასოფლო-სამეურნეო კოოპერატივი, გურიაში -1, კახეთში -1, ქვემო ქართლში -2, სამცხე-ჯავახეთში -8.  სასოფლო-სამეურნეო კოოპერატივებში გაერთიანებული მეპაიეთა რაოდენობა შეადგენს 416 ფერმერს, ხოლო მათ საკუთრებაში არსებული ფურების რაოდენობა 3688. 

პროგრამაში ჩართულობით მესაქონლე კოოპერატივებს ეძლევათ საშუალება სტანდარტების დაცვით რძის მიღება მოახდინონ. ერთის მხრივ ერთობლივად მიაწოდონ რძის საწარმოებს, მეორეს მხრივ კოოპერატივების ეძლევათ შესაძლებლობა მისი მეპაიეების წარმოებული რძე მიიღონ და აწარმოონ რძის პროდუქტები რაც ხელს საწარმოო ციკლის გაზრდით კოოპერატივების მეპაიეების შემოსავლების ზრდას შეუწყობს. 

სახელმწიფო პროგრამაში რეგისტრაცია დისტანციურად სასოფლო-სამეურნეო კოოპერატივების განვითარების სააგენტოს ვებ-გვერდზე  www.acda.gov.ge იყო შესაძლებელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს