გიორგი მარგველაშვილი დაკარგული ჯარისკაცების სამძებრო-სამაშველო ღონისძიებებს გონიოში გაეცნო

2016-08-17 16:34:50, 767 ნახვა

საზოგადოება

საქართველოს პრეზიდენტი გიორგი მარგველაშვილი გონიოში იმ ადგილზე იმყოფებოდა, სადაც ზღვაში დაკარგულ ორ ქართველ ჯარისკაცს ამ დრომდე უშედეგოდ ეძებენ.

გიორგი მარგველაშვილმა ადგილზე შეკრებილი დაკარგული ჯარისკაცების ოჯახის წევრებს თანადგომა გამოუცხადა და დახმარება აღუთქვა.

„მძიმე წუთებია ყველა სამხედროსთვის, მოვედი რომ თანადგომა გამოვხატო", - განაცხადა პრეზიდენტმა.

პრეზიდენტი გონიოში აჭარის მთავრობის თავმჯდომარე ზურაბ პატარაძესთან ერთად იმყოფებოდა. გიორგი მარგველაშვილი თავდაცვის სამინისტროს წარმომადგენლებს ესაუბრა და ჩატარებულ სამძებრო-სამაშველო ღონისძიებებზე ინფორმაცია მოისმინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან