„რესპუბლიკური პარტიის“ წევრის ლევან ბერძენიშვილის განცხადებით, პარტია „ქართული ოცნება“ პარლამენტის შინაარსზე არ ფიქრობს და მას უბრალოდ, საკანონმდებლო ორგანოში ხელის ამწევი და დამწევი დეპუტატები ესაჭიროება.

როგორც „ექსპრესნიუსთან“ საუბრისას მმართველი გუნდის მაჟორიტარი დეპუტატების დასახელების კომენტირებისას ბერძენიშვილმა განაცხადა, „ოცნებამ“ არჩევანი ცნობილ ადამიანებზე გააკეთა და ეს მცდარი ნაბიჯია, რომელიც სიკეთეს არ მოიტანს.

„როგორც ჩანს, არჩევანი გაკეთდა არა პოლიტიკოსებზე, არამედ ცნობილ ადამიანებზე. მართალია, ამდენი ხნის ისტორიის განმავლობაში პარლამენტში ცნობილი ადამიანების საჭიროება დამტკიცდა, მაგრამ როგორც ჩანს, „ქართულ ოცნებაში“ თვლიან, რომ მთავარი გამარჯვებაა. ეს ადამიანები პარლამენტში პოლიტიკოსებად ჩამოყალიბდებიან თუ არა, ნაკლებად მნიშვნელოვანია. „ოცნებას“ პარლამენტში ხელის ამწევი და დამწევი დეპუტატები ესაჭიროება. თბილისის მაჟორიტარ დეპუტატობის კანდიდატებად მმართველ გუნდს 1-2 პოლიტიკოსი ყავს დასახელებულები, დანარჩენები მოყვარულები არიან, რომელთაც პოლიტიკაში ჯერ ნაბიჯიც კი არ გადაუდგამთ. ამ ადამიანებს გამოცდილების გარეშე პირდაპირ პარლამენტში მოხვედრა სურთ. ვის თავში დაიბადა ასეთი იდეა არ ვიცი, მაგრამ ეს მცდარი ნაბიჯია და სიკეთეს არ მოიტანს. გარდა ამისა, არაპოლიტიკოსები პოლიტიკურ ბრძოლაშ როგორ გაიმარჯვებენ ვერ გეტყვით. სპორტსმენები, ხელოვნები და ა,შ, ყველანი შეიძლება პოლიტიკოსები გახდნენ. ამის საილუტრაციოდ რონალდ რეიგანის მაგალითის მოყვანაც საკმარისია. უბრალოდ, ეს ადამიანები საკუთარი სფეროს პროფესიონალები არიან და იქიდან წასვლას არ აპირებენ. ძნელი წარმოსადგენია, რომ ისინი უცებ პოლიტიკოსები გახდნენ. ერთ-ერთმა „ოცნების“ დეპუტატმა თქვა, რომ მე მონადირე ვარ და გარემოს მივხედავო. ასეთი გულუბრყვილო განცხადებებით ამომრჩეველს ვერ მოხიბლავენ. მმართველ გუნდს, უბრალოდ“ სურს, რომ პარლამენტი გაავსოს და მის შინაარსზე არ იზრუნოს. საქართველოს ისტორიაში პირველად უნდა გვქონდეს, რომ პარლამენტში პოლიტიკოსები ღრმა უმცირესობაში იქნებიან. ვოლსკი იქნება მარტო, ხოლო დანარჩენები იცეკვებენ, ითამაშებენ,  იჭიდავებენ და შეასრულებენ როლებს  - განაცხადა ბერძენიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას