2016-08-03 10:33:21, 781 ნახვა
პოლიტიკა
პრემიერი დღეს „ქართული ოცნების“ ქვემო ქართლის მაჟორიტარი დეპუტატობის კანდიდატებს წარადგენს
პოლიტიკური გაერთიანება „ქართული ოცნება-დემოკრატიული საქართველო" 8 ოქტომბრის საპარლამენტო არჩევნებისთვის მაჟორიტარი დეპუტატობის კანდიდატების დასახელებას განაგრძობს.
დღეს, 20:00 საათზე, პრემიერ-მინისტრი, „ქართული ოცნება-დემოკრატიული საქართველოს" თავმჯდომარე გიორგი კვირიკაშვილი საზოგადოებას ქვემო ქართლის მაჟორიტარი დეპუტატობის კანდიდატებს წარუდგენს.
კანდიდატების დასახელება რუსთავში, რუსთაველის ქუჩაზე გაიმართება.
პარტიამ მაჟორიტარი დეპუტატობის კანდიდატები უკვე დაასახელა იმერეთში, სამეგრელოში, გურიაში, მცხეთა -მთიანეთსა და შიდა ქართლში.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
