2016-07-24 12:02:36, 1320 ნახვა

---

შსს-ს საგზაო მოძრაობის უსაფრთხოების კამპანიას თბილისის სამარშრუტო მიკროავტობუსები შეუერთდნენ

შინაგან საქმეთა სამინისტროს საგზაო მოძრაობის უსაფრთხოების კამპანიას - „შენი გულისთვის, შენი უსაფრთხოებისთვის“ თბილისის სამარშრუტო მიკროავტობუსები შეუერთდნენ.

შსს-ს ინფორმაციით, კამპანიის ფარგლებში დამზადებული სტიკერები შპს „თბილისის მიკროავტობუსის“ სახაზო მიკროავტობუსებზე განთავსდა.

უწყების ცნობით, სამარშრუტო მიკროავტობუსებში არსებულ მონიტორებზე კი მგზავრებს საგზაო მოძრაობის უსაფრთხოების თემაზე შსს-ს  საინფორმაციო-შემეცნებით ვიდეორგოლს უჩვენებენ.

შინაგან საქმეთა სამინისტრო საგზაო მოძრაობის უსაფრთხოების ფართომასშტაბიან საინფორმაციო კამპანიას აგრძელებს. კამპანიის მიზანი ავტოსაგზაო შემთხვევების პრევენცია და ამ მიზნით, საზოგადოების ცნობიერების ამაღლებაა. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი