აჭარის მთავრობის თავმჯდომარემ არჩილ ხაბაძემ დღეს ერთ-ერთი მსხვილი საინვესტიციო  ჯგუფის  დირექტორთა საბჭოს თავმჯდომარე ალექსანდრე სვეტაკოვი მიიღო.

როგორც „ექსპრესნიუსს“ აჭარის მთავრობის პრესსამსახურიდან აცნობეს, „Absolut Investment Group“ -ის წარმომადგენლებთან შეხვედრა საქმიან ვითარებაში წარიმართა.

რეგიონის პირველმა პირმა ფინანსთა და ეკონომიკის მინისტრთან დავით ბალაძესთან ერთად აჭარაში არსებული საინვესტიციო გარემო და მიმდინარე პროექტები პირადად გააცნო. კომპანია სასტუმრო და სათამაშო ბიზნესით არის დაინტერესებული.

"Absolut Investment Group“  ცხრა წევრიანი შემადგენლობით ბათუმში პირველად იმყოფება. მათი ჩამოსვლის მიზანია ადგილობრივი საინვესტიციო ბაზრის შესწავლა და საქართველოში სამომავლოდ საინვესტიციო პროექტების განხორციელება. საინვესტიციო ჯგუფს ხელმძღვანელობს ალექსანდრე სვეტაკოვი , რომლის აქტივებიც შეადგენს 3,1 მილიარდი დოლარს.

როგორც ბიზნესმენმა საუბრის დროს განაცხადა, ეს გაცნობითი ხასიათის ვიზიტია და ახლო მომავალში ის კონკრეტული წინადადებით ჩამოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს