ფინანსთა მინისტრის მოადგილე დავით ლეჟავა შეხვდა გერმანიის საერთაშორისო თანამშრომლობის საზოგადოების (GIZ) მმართველთა საბჭოს თავმჯდომარის მოადგილეს, კრისტოფ ბეიერს.

ფინანსთა სამინისტროს ინფორმაციით, შეხვედრაზე მხარეებმა  GIZ-სა და საქართველოს შორის არსებული და მომავალი თანამშრომლობის, ასევე, GIZ-ის მხარდაჭერით მიმდინარე პროექტების შესახებ ისაუბრეს, მათ შორის, არის მცირე და საშუალო ბიზნესის განვითარება და საჯარო ფინანსების მართვა, პროფესიული განათლება, საექსპერტო მხარდაჭერა საქართველოს კანონმდებლობის ევროკავშირის რეგულაციებთან დაახლოების მიზნით და ბიომრავალფეროვნება.

 კრისტოფ ბეიერმა  მზაობა  გამოთქვა საქართველოსათვის პრიორიტეტული მიმართულებების მხარდაჭერის გაგრძელების თაობაზე.

უწყების ცნობით, ფინანსთა სამინისტროს წარმომადგენლებთან ერთად, შეხვედრას, ასევე, ესწრებოდნენ გერმანიის ფედერაციულ რესპუბლიკაში საქართველოს ელჩი ლადო ჭანტურია, GIZ-ის ადგილობრივი ოფისის ხელმძღვანელი მერი შეფერი და საქართველოში გერმანიის ფედერაციული რესპუბლიკის საელჩოს წარმომადგენელი კატარინა დერკორნი.

გერმანიის საერთაშორისო თანამშრომლობის საზოგადოება (GIZ) გერმანიის მთავრობის დავალებით საქართველოში ახორციელებს განვითარების პროექტებს დაფინანსებულს ტექნიკური დახმარების სახით.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ